Live Updates

6 جولائی سے 8 جولائی کے دوران موسلا دھار بارش کے باعث برساتی ندی نالوں میں طغیانی کا خدشہ

جمعہ 4 جولائی 2025 19:40

اسلام آباد (اُردو پوائنٹ اخبارتازہ ترین - اے پی پی۔ 04 جولائی2025ء) محکمہ موسمیات نے متنبہ کیا ہے کہ اتوار 6 جولائی سے منگل 8 جولائی کے دوران موسلا دھار/ شدید موسلا دھار بارش کے باعث وفاقی دارالحکومت اسلام آباد سمیت مری، گلیات، مانسہرہ، کوہستان، ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، راولپنڈی، ڈی جی خان، شمال مشرقی پنجاب، کشمیر اور بلوچستان کے مقامی /برساتی ندی نالوں میں طغیانی کا خدشہ ہے۔

(جاری ہے)

محکمہ موسمیات کی جانب سے جمعہ کو جاری انتباہ میں عوام الناس کو احتیاط کی ہدایت کرتے ہوئے کہا گیا ہے کہ شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ ہے۔