امریکی صدرسے سعودی وزیر دفاع کی ملاقات، غزہ جنگ اور دوطرفہ تعلقات پر تبادلہ خیال

ہفتہ 5 جولائی 2025 09:50

واشنگٹن (اُردو پوائنٹ اخبارتازہ ترین - اے پی پی۔ 05 جولائی2025ء) امریکی صدر ڈونلڈ ٹرمپ سے جمعرات کو وائٹ ہاؤس میں سعودی عرب کے وزیر دفاع شہزادہ خالد بن سلمان نے ملاقات کی، جس میں ایران کی صورتحال اور خطے کے دیگر امور پر گفتگو کی گئی۔

(جاری ہے)

العربیہ کے مطابق یہ بات چیت اسرائیلی وزیر اعظم بنجمن نیتن یاہو کی ٹرمپ سے وائٹ ہاؤس میں پیر کو متوقع ملاقات سے پہلے ہوئی ہے، ٹرمپ انتظامیہ آنے والے مہینوں میں سعودی عرب اور اسرائیل کے درمیان ایک تاریخی امن معاہدہ کروانے کے لیے پر عزم ہے۔امریکی صدر سے ملاقات کے بعد سعودی وزیر دفاع نے ایران کی مسلح افواج کے چیف آف جنرل اسٹاف میجر جنرل عبدالرحیم موسوی سے فون پر گفتگو کی۔