وزیراعظم سے وزیرداخلہ کی ملاقات، یوم عاشور پر سکیورٹی انتظامات پر بریفنگ دی

شہباز شریف کاوزرائے اعلی ،وزیر اعظم آزاد جموں کشمیر ، وزیر اعلی گلگت بلتستان ،وزیراعظم آزادکشمیر کو خراج تحسین

پیر 7 جولائی 2025 15:18

وزیراعظم سے وزیرداخلہ کی ملاقات، یوم عاشور پر سکیورٹی انتظامات پر ..

لاہور(اُردو پوائنٹ اخبارتازہ ترین - این این آئی۔ 07 جولائی2025ء)وزیراعظم شہبازشریف سے وزیرداخلہ محسن نقوی نے ملاقات کی اور انہیں یوم عاشور کے موقع پر سکیورٹی انتظامات پر بریفنگ دی۔وزیراعظم شہبازشریف سے ملاقات میں وزیرداخلہ نے بتایا کہ یوم عاشور کے موقع پر سکیورٹی کے انتظامات اور عوام کو سہولیات فراہم کرنے کے لیے تمام تر اقدامات کیے گئے۔

(جاری ہے)

وزیراعظم شہباز شریف نے وفاقی وزیر داخلہ محسن نقوی کو عاشورہ کے انتظامات احسن طریقے سے کرنے پر سراہا۔وزیراعظم شہباز شریف نے بہترین انتظامات پر وزرائے اعلی مریم نواز، مراد علی شاہ، علی امین گنڈاپور، میر سرفراز بگٹی اور وزیر اعظم آزاد جموں کشمیر چوہدری انوار الحق، وزیر اعلی گلگت بلتستان گلبر خان اور وزیراعظم آزادکشمیر کو بھی خراج تحسین پیش کیا۔وزیراعظم شہباز شریف نے عاشورہ پر قیام امن کے لیے صوبائی انتظامیہ، پولیس اور سکیورٹی فورسز کی کاوشوں کو بھی سراہا۔وزیراعظم نے کہا کہ صوبائی حکومتوں،فورسز کی موثر اور پیشہ ورانہ حکمت عملی سے امن ممکن ہوا۔