پاکستان کرکٹ بورڈ نے 26-2025سیزن کا ڈومیسٹک کیلنڈر جاری کردیا

قومی ٹی ٹونٹی ٹورنامنٹ یکم سے 12مارچ تک فیصل آباد میں ہوگا، پی سی بی

پیر 7 جولائی 2025 17:19

پاکستان کرکٹ بورڈ نے 26-2025سیزن کا ڈومیسٹک کیلنڈر جاری کردیا

لاہور (اُردو پوائنٹ اخبارتازہ ترین - این این آئی۔ 07 جولائی2025ء) پاکستان کرکٹ بورڈ کی جانب سے 26-2025سیزن کا ڈومیسٹک کیلنڈر جاری کردیا گیا۔جاری کردہ کیلینڈر کے مطابق قائداعظم ٹرافی 22 ستمبر سے 7نومبر تک کھیلی جائے گی۔ اس سیزن کا آغاز 15اگست سے حنیف محمد ٹرافی سے ہوگا۔پی سی بی کے مطابق قومی ٹی ٹونٹی ٹورنامنٹ یکم سے 12مارچ تک فیصل آباد میں ہوگا۔

پی سی بی نے بتایا کہ انڈر 15، انڈر 17اور انڈر 19ریجنل ٹورنامنٹس بھی شیڈول کا حصہ ہیں، حنیف محمد ٹرافی میں 12ٹیمیں شامل ہیں جن کے میچز کوئٹہ اور کراچی میں ہوں گے۔ حنیف محمد ٹرافی کی ٹاپ 2ٹیمیں قائداعظم ٹرافی کیلئے کوالیفائی کریں گی۔رپورٹ کے مطابق قائداعظم ٹرافی میں 8ٹیمیں شامل ہیں جو 29میچز پر مشتمل لیگ فارمیٹ ہوگا۔قائداعظم ٹرافی کے میچز اسلام آباد اور راولپنڈی میں ہوں گے، نیشنل ٹی ٹونٹی کیلئے کوالیفائنگ رانڈ بھی متعارف کرایا گیا ہے۔

(جاری ہے)

پی سی بی کے مطابق نیشنل ٹی ٹونٹی کوالیفائر میں 10ٹیمیں حصہ لیں گی، ٹاپ 2ٹیمیں سپر 10میں جائیں گی۔نیشنل ٹی ٹونٹی میں کراچی وائٹس، لاہور وائٹس، پشاور، کراچی بلیوز، سیالکوٹ، اسلام آباد، فیصل آباد شامل ہیں۔ پی سی بی کے ڈومیسٹک کیلنڈر میں 4ڈیپارٹمنٹل ٹورنامنٹس بھی سیزن کا حصہ بنائے گئے ہیں۔پی سی بی کا کہنا ہے کہ 2025-26کا ڈومیسٹک سٹرکچر میرٹ، مواقع ،مقابلے کی بنیاد پر تیار کیا گیا، قائداعظم ٹرافی اورنیشنل ٹی ٹونٹی میں کوالیفائر کا نظام شامل ہے۔