قطری شہزادی کا کارنامہ،پاکستان کی قاتل پہاڑی چوٹی نانگا پربت کو سر کر لیا

شیخہ اسما پاکستان کی خطرناک اور 8,126میٹر بلند پہاڑی چوٹی سر کرنے والی پہلی قطری خاتون بن گئیں

پیر 7 جولائی 2025 22:20

اسلام آباد(اُردو پوائنٹ اخبارتازہ ترین - این این آئی۔ 07 جولائی2025ء)قطری شہزادی شیخہ اسما آل ثانی پاکستان کی خطرناک اور8,126میٹر بلند پہاڑی چوٹی نانگا پربت سر کرنے والی پہلی قطری خاتون بن گئیں۔شیخہ اسما نے شدید موسم، برفانی طوفان اور دشوار گزار راستوں کے باوجود نانگا پربت، جسے قاتل پہاڑ کے نام سے جانا جاتا ہے کی چوٹی پر قومی پرچم لہرایا۔

(جاری ہے)

ان کا یہ کارنامہ نہ صرف کوہ پیمائی کی دنیا میں ایک نمایاں کامیابی ہے بلکہ عالمی سطح پر خواتین کو بااختیار بنانے کی تحریک میں بھی ایک روشن مثال کے طور پر دیکھا جا رہا ہے۔شیخہ اسما کا یہ کارنامہ ان کی 14بلند ترین چوٹیوں کی مہم میں نواں کامیاب مرحلہ ہے، نانگا پربت کی فتح کے ساتھ شیخہ اسما عالمی کوہ پیماں کی صف میں نمایاں ہو گئیں۔شیخہ اسما کی یہ کامیابی نہ صرف قطر کیلئے باعث فخر ہے بلکہ دنیا بھر کی خواتین کے لیے بھی ایک حوصلہ افزا مثال ہے۔