ہریانہ،’’لو جہاد‘‘کے الزام میں مسلم خاندانوں کے گھرنذر آتش

حملہ آوروں نے اپنی شناخت چھپانے کے لیے اپنے چہرے ڈھانپ رکھے تھے

منگل 8 جولائی 2025 16:11

نئی دلی(اُردو پوائنٹ اخبارتازہ ترین - این این آئی۔ 08 جولائی2025ء)بھارتی ریاست ہریانہ کے ضلع بھوانی میں دو مسلم خاندانوں کے گھروں کو مبینہ طور پر 'لو جہاد' کا الزام لگا کر نذر آتش کر دیاگیاہے۔کشمیرمیڈیاسروس کے مطابق واقعے کی سوشل میڈیا پر وائرل ویڈیو میں حملہ آوروں کو گھروں سے مسلمان خاندانوں کا سامان باہر پھینکتے ہوئے اوروہاں توڑ پھوڑ کرنے کے بعدآگ لگاتے ہوئے دیکھا جاسکتا ہے ۔

(جاری ہے)

اطلاعات کے مطابق یہ واقعہ راجستھان سے تعلق رکھنے والی ایک ہندو لڑکی کی ایک مسلمان لڑکے کے ساتھ شادی کے بعد پیش آیاہے۔ حملہ آوروں نے اپنی شناخت چھپانے کے لیے اپنے چہرے ڈھانپ رکھے تھے اور انہوں نے ہتھوڑوں کے ذریعے گھروں میں توڑ پھوڑ کی۔ بعد ازاں وہ موٹر سائیکلوں پر فرار ہو گئے۔مزید کسی ناخوشگوار واقعے سے بچنے کیلئے پولیس نے علاقے میں بڑی تعداد میں اہلکاروں کو تعینات کر دیاہے ۔اس واقعے سے ظاہر ہوتا ہے کہ بھارت میں مسلم اقلیت کے خلاف بڑھتی ہوئی نفرت اور تشدد کے واقعات میں تیزی سے اضافہ ہو رہا ہے۔ اس حملے نے ایک بار پھر سوالات اٹھا دیے ہیں کہ بھارت میں اقلیتیں بالکل بھی محفوظ نہیں ہیں ۔