کیا جیل میں جلسے کا انتظام کر دیں جس میں بانی پی ٹی آئی قیدیوں سے خطاب فرما سکیں ‘ عظمی بخاری

بانی پی ٹی آئی کا سارا ٹبر ملاقات کرتا ،بشری بی بی کا ٹبر الگ ملاقات کرتا ہے،وکلاء علیحدہ ملاقات کرتے ہیں‘ وزیر اطلاعات

منگل 8 جولائی 2025 20:50

لاہور(اُردو پوائنٹ اخبارتازہ ترین - این این آئی۔ 08 جولائی2025ء) وزیر اطلاعات پنجاب عظمی بخاری نے علیمہ خان کے بیان پر اپنے ردعمل میں کہا ہے کہ بانی پی ٹی آئی کا سارا ٹبر ملاقات کرتا جبکہ بشری بی بی کا ٹبر الگ ملاقات کرتا ہے۔

(جاری ہے)

عظمی بخاری نے علیمہ خان سے سوال کیا بانی پی ٹی آئی کے وکلاء علیحدہ ملاقات کرتے ہیں اور حکم کریں کیا کریں ۔کیا جیل میں ایک جلسے کا انتظام کر دیں، جس میں بانی پی ٹی آئی جیل سے قیدیوں سے خطاب فرما سکیں ۔انہوںنے کہاکہ ٹریفک پولیس نے وزیراعلی کے بیٹے کا چالان کر کے قانون کی حکمرانی کا ثبوت دیا، پنجاب میں اب قانون سب کے لیے برابر ہے، ماضی میں ایک خاتون اول کے بیٹے کا چالان کرنے پر پاکپتن کے وارڈن سے ڈی پی او تک تبدیل کردئیے گئے تھے۔