بھارت، مودی حکومت کیخلاف 10 مزدور تنظیموں کی ملک گیر ہڑتال

ْ دہلی، کولکتہ، چنئی اور بنگلورو سمیت بڑے شہروں میں پبلک ٹرانسپورٹ اور ریلوے اسٹیشنز بند

جمعرات 10 جولائی 2025 12:25

نئی دہلی (اُردو پوائنٹ اخبارتازہ ترین - این این آئی۔ 10 جولائی2025ء)بھارت میں مودی حکومت کی کسان اور مزدور مخالف پالیسیوں کے خلاف 10 مزدور تنظیموں نے ملک گیر ہڑتال کی ہے۔بھارتی میڈیا کے مطابق ٹریڈ یونینز کی ہڑتال میں 25 کروڑ سے زائد مزدور اور کسان شریک ہیں، ملک گیر ہڑتال کے باعث بھارت کے کئی شہروں میں معمولاتِ زندگی شدید متاثر ہوئے ہیں۔

(جاری ہے)

ہڑتال کی وجہ سے دہلی، کولکتہ، چنئی اور بنگلورو سمیت بڑے شہروں میں پبلک ٹرانسپورٹ اور ریلوے اسٹیشنز بند ہو گئے۔

مزدور تنظیم کے کارکنوں کی طرف سے پبلک ٹرانسپورٹ کئی شہروں میں روکنے اور دکانیں بند کرانے پر پولیس کی جانب سے لاٹھی چارج کیا گیا۔بھارتی حکام کا کہنا تھا کہ مزدور تنظیموں سے بات چیت کے لیے تیار ہیں۔مزدور تنظیمیں حکومت سے بے روزگاری ختم کرنے اور اجرت میں اضافے کا مطالبہ کر رہی ہیں۔