عمران خان کے بیٹوں سے متعلق رانا ثناء اللہ کی گفتگو پر جمائمہ بھی بول پڑیں

جمہوریت یا کام کرنے والی ریاست میں ایسا نہیں ہوتا، یہ سیاست نہیں بلکہ ایک ذاتی انتقام ہے؛ قاسم و سلیمان کی والدہ کا بیان

ساجد علی جمعرات 10 جولائی 2025 12:31

عمران خان کے بیٹوں سے متعلق رانا ثناء اللہ کی گفتگو پر جمائمہ بھی بول ..

لاہور ( اُردو پوائنٹ اخبارتازہ ترین۔ 10 جولائی 2025ء ) پاکستان تحریک انصاف کے پیٹرن انچیف عمران خان کے بیٹوں سے متعلق وفاقی مشیر رانا ثناء اللہ کی گفتگو پر ان کی والدہ جمائمہ بھی بول پڑیں۔ اس حوالے سے اپنے ایک بیان میں بانی پی ٹی آئی کی سابقہ اہلیہ نے کہا کہ عمران خان تقریباً 2 سال سے جیل میں قید تنہائی میں ہیں، میرے بچوں کو اپنے والد سے فون پر بات کرنے کی اجازت نہیں ہے، پاکستان کی حکومت نے اب کہا ہے کہ اگر میرے بیٹے وہاں جانے کی کوشش کرتے ہیں تو انہیں بھی گرفتار کرکے جیل کی سلاخوں کے پیچھے ڈال دیا جائے گا، جمہوریت یا کام کرنے والی ریاست میں ایسا نہیں ہوتا، یہ سیاست نہیں ہے بلکہ یہ ایک ذاتی انتقام ہے۔

My children are not allowed to speak on the phone to their father @ImranKhanPTI. He has been in solitary confinement in prison for nearly 2 years.
Pakistan’s government has now said if they go there to try to see him, they too will be arrested and put behind bars.
This doesn’t… https://t.co/ccM7QFPmlV pic.twitter.com/z2v6PKgHto
— Jemima Goldsmith (@Jemima_Khan) July 10, 2025

واضح رہے کہ وفاقی مشیرسیاسی اموررانا ثناء اللہ نے کہا تھا کہ ہ عمران خان کے بیٹے برطانیہ کے پیدائشی شہری ہیں وہ یہاں کے حالات اور کسی کو نہیں جانتے، ان کو یہاں لاکر اس کا حصہ بنانا ایسا عمران خان ہی سوچ سکتے ہیں، عمران خان کے بیٹوں کو یہاں مشکلات ہوسکتی ہیں، برطانیہ کی ایمبیسی ان کو بازیاب کرائے اور پھر واپس لے کرجائے اگروہ غیرقانونی احتجاجی تحریک کی قیادت کریں گے تو گرفتارہوں گے، 9 مئی کے بعد پی ٹی آئی پر کون اعتبار کرے گاکہ خلاف ورزی نہیں کریں گے اور پرتشدد نہیں ہوں گے، پی ٹی آئی کو جلاؤ گھیراؤ کے احتجاج کرنے کی بالکل اجازت نہیں ہوگی۔

(جاری ہے)

انہوں نے دعویٰ کیا کہ ہمارے پاس پوری خبر ہے کہ وہ کیا چاہتے ہیں، اس میں کوئی ابہام نہیں ہے، وہ جو خفیہ میٹنگ اور مشاورت کرتے ہیں تو کیا حکومت تک وہ چیزیں نہیں پہنچتی، پی ٹی آئی احتجاج کے نام پر جلاؤ گھیراؤ کرنے کا مقصد رکھتی ہے ، بانی کے بیٹوں کو یہاں لاکر لاقانونیت کا حصہ بنانے کا کیا مطلب ہوسکتا ہے؟جلسے جلوس احتجاج جمہوری رویے کے تحت ہوتے ہیں، پی ٹی آئی کوئی بھی تحریک چلانے کی پوزیشن میں نہیں ہے۔