مملکت برائے داخلہ کی جانب سے وہیکل امیشن ٹیسٹنگ مہم کا باقاعدہ افتتاح

اسلام آباد ٹرانسپورٹ اتھارٹی کی ٹیم نے جدید آلات سے وزیر داخلہ کی گاڑی کی انسپکشن کی

جمعہ 11 جولائی 2025 18:30

اسلام آباد (اُردو پوائنٹ اخبارتازہ ترین - این این آئی۔ 11 جولائی2025ء)مملکت برائے داخلہ کی جانب سے وہیکل امیشن ٹیسٹنگ مہم کا باقاعدہ افتتاح کر دیا گیا ،اسلام آباد ٹرانسپورٹ اتھارٹی کی ٹیم نے جدید آلات سے وزیر داخلہ کی گاڑی کی انسپکشن کی۔ طلال چوہدری نے کہاکہ اسلام آباد میں وزیر اعظم کی اور وزارت داخلہ کی ہدایت پر اصلاحات جاری ہیں، اسلام آباد میں بین الاقوامی میعار کے انفراسٹرکچر کے ساتھ ماحول پر بھی کام کیا جا رہا ہے۔

انہوںنے کہاکہ کچھ سالوں سے اسلام آباد کا ائیر کوالٹی انڈیکس بڑھ رہا تھا، ائیر کوالٹی انڈیکس 200 تک پہنچنا شروع ہو گیا تھا، اسلام آباد وہیکل انسپکشن کا آغاز کیا گیا ہے۔ طلال چوہدری نے کہاکہ ٹیکسٹنگ کے لیے ہم نے بین الاقوامی معیار کے آلات منگوائے ہیں، طلال چوہدری حکومت پنجاب نے اپنی ٹرینڈ ٹیم بھیجی ان کا شکریہ ادا کرتے ہیں۔

(جاری ہے)

وزیر مملکت نے کہاکہ ڈی سی اسلام آباد عرفان میمن نے اپنے گھر سے ٹیسٹنگ کا آغاز کیا، سب سے پہلے ہم سرکاری گاڑیوں کی ٹیسٹنگ کا آغاز کریں گے۔

طلال چوہدری نے کہاکہ اولڈ پریڈ گراؤنڈ کے پاس ٹیسٹنگ کا سسٹم بنایا جائے گا، پاس ہونے والی گاڑیوں پر بار کوڈ آویزاں کیا جائے گا۔ انہوںنے کہاکہ اسلام آباد میں زگ زیگ ٹیکنالوجی کی علاؤہ کوئی بھٹہ کام نہیں کر رہا ہے، جو بھٹے آلودگی کا باعث تھے وہ بند کر دیے گئے۔ انہوںنے کہاکہ ماحول کو سب سے زیادہ نقصان گاڑیوں کے دھوئیں سے تھا، اسلام آباد میں اب دھواں چھوڑنے والی کوئی گاڑی داخل نہیں ہوگی۔

انہوںنے کہاکہ دھواں چھوڑنے والی گاڑیوں کو جرمانہ کیا جائے گا، وزیر اعلیٰ پنجاب کا شکریہ ادا کر تے ہیں انھوں نے اپنی ٹیم بھیجی ہے۔ انہوںنے کہاکہ بلوچستان ہندوستان کی پراکسی آپریٹ کر رہی ہے، فتنہ ہندستان کیلوگ اب سافٹ ٹارگٹ پر حملے کر رہے ہیں۔ انہوںنے کہاکہ نفرت پھیلانے کے لیے کہا جاتا ہے کہ پنجابی کومارا ہے یہ انسان کو مارا۔