اسلام آباد میں دھواں چھوڑنے والی گاڑیوں کے داخلے پر پابندی عائد کردی گئی

اسلام آباد(اُردو پوائنٹ اخبارتازہ ترین - آن لائن۔ 11 جولائی2025ء) اسلام آباد میں دھواں چھوڑنے والی گاڑیوں کے داخلے پر پابندی عائد کردی گئی، وزیر مملکت طلال چوہدری نے کہا ہے کہ آلودگی کا باعث بننے والی گاڑی کو نہیں چھوڑیں گے، پہلے سرکاری گاڑیوں کو چیک کیا جارہا ہے۔وزیر مملکت برائے داخلہ کی جانب سے وہیکل امیشن ٹیسٹنگ مہم کا باقاعدہ افتتاح کردیا گیا، اسلام آباد ٹرانسپورٹ اتھارٹی کی ٹیم نے جدید آلات سے وزیر داخلہ کی گاڑی کی انسپکشن کی۔

میڈیا سے گفتگو کرتے ہوئے وزیر مملکت داخلہ طلال چوہدری نے کہا کہ اسلام آباد میں وزیر اعظم کی اور وزارت داخلہ کی ہدایت پر اصلاحات جاری ہیں، اسلام آباد میں بین الاقوامی میعار کے انفراسٹرکچر کے ساتھ ماحول پر بھی کام کیا جا رہا ہے، کچھ سالوں سے اسلام آباد کا ائیر کوالٹی انڈیکس بڑھ رہا تھا، ایئر کوالٹی انڈیکس 200 تک پہنچنا شروع ہو گیا تھا۔

(جاری ہے)

وزیر مملکت داخلہ نے بتایا کہ اسلام آباد وہیکل انسپکشن کا آغاز کیا گیا ہے، ٹیکسٹنگ کے لیے ہم نے بین الاقوامی معیار کے آلات منگوائے ہیں، حکومت پنجاب نے اپنی ٹرینڈ ٹیم بھیجی ان کا شکریہ ادا کرتے ہیں۔طلال چوہدری کا مزید کہنا تھا کہ ڈی سی اسلام آباد عرفان میمن نے اپنے گھر سے ٹیسٹنگ کا آغاز کیاسب سے پہلے ہم سرکاری گاڑیوں کی ٹیسٹنگ کا آغاز کریں گیاولڈ پریڈ گراؤنڈ کے پاس ٹیسٹنگ کا سسٹم بنایا جائے گا، پاس ہونے والی گاڑیوں پر بار کوڈ آویزاں کیا جائے گا، اسلام آباد میں زگ زیگ ٹیکنالوجی کی علاؤہ کوئی بھٹہ کام نہیں کر رہا۔

ان کا گفتگو کرتے ہوئے مزید کہنا تھا کہ جو بھٹے آلودگی کا باعث تھے وہ بند کر دیے گئے، ماحول کو سب سے زیادہ نقصان گاڑیوں کے دھوئیں سے تھا، اسلام آباد میں اب دھواں چھوڑنے والی کوئی گاڑی داخل نہیں ہوگی، دھواں چھوڑنے والی گاڑیوں کو جرمانہ کیا جائے گا۔وزیر اعلیٰ پنجاب مریم نواز کا شکریہ ادا کر تے ہیں انہوں نے اپنی ٹیم بھیجی ہے، بلوچستان ہندوستان کی پراکسی آپریٹ کر رہی ہے۔طلال چوہدری کا کہنا تھا فتنہ ہندستان کے لوگ اب سافٹ ٹارگٹ پر حملے کر رہے ہیں،نفرت پھیلانے کے لیے کہا جاتا ہے کہ پنجابی کومارا ہے یہ انسان کو مارا ہے۔