وزیراعظم کی مدبرانہ قیادت اور بہتر معاشی پالیسیوں کی بدولت ملکی معیشت مضبوط ہو رہی ہے، وفاقی وزیر سردار یوسف

جمعہ 11 جولائی 2025 20:30

مانسہرہ (اُردو پوائنٹ اخبارتازہ ترین - اے پی پی۔ 11 جولائی2025ء) وفاقی وزیر برائے مذہبی امور سردار محمد یوسف نے کہا ہے کہ وزیراعظم شہباز شریف کی مدبرانہ قیادت اور بہتر معاشی پالیسیوں کی بدولت ملک کی معیشت روز بروز مضبوط ہو رہی ہے،وفاقی حکومت مانسہرہ کی عوام سے صوبائی حکومت کی جانب سے کی جانے والی زیادتیوں کا ازالہ کرے گی،وفاقی حکومت کی جانب سے ملنے والے فنڈز دور دراز اور پہاڑی علاقوں میں بجلی کی فراہمی پر ترجیحی بنیادوں پر خرچ کیے جائیں گے،مانسہرہ کے علاقے گڑھی حبیب اللہ میں بجلی کے نئے فیڈر کی افتتاحی تقریب سے خطاب کرتے ہوئے وفاقی وزیر سردار یوسف کا مزید کہنا تھا کہ وفاقی حکومت مسلم لیگ (ن) کے منشور کے تحت عوام کے بنیادی مسائل کے حل کیلے تمام ممکنہ وسائل بروئے کار لا رہی ہے،صوبائی حکومت کی غاصبانہ سوچ کی بدولت ہزارہ ڈویژن بلعموم اور ضلع مانسہرہ بالخصوص ترقیاتی فنڈز سے محروم ہے،اُنھوں نے کہا کہ وزیر اعظم شہباز شریف کی قیادت میں ملک ترقی کی راہ پر گامزن ہے،آج دنیا بھر میں پاکستان اپنی ایک منفرد حثیت اور پہچان رکھتا ہے،تقریب سے مسلم لیگ ن کے رہنماء سید جنید قاسم سمیت دیگر رہنماؤں نے بھی خطاب کیا اور وزیراعظم پاکستان کی پالیسیوں کو خراج تحسین پیش کیا۔