ْہم نے بنیان مرصوص میں بھارت کو گھس کر مارا، اب جنگیں ٹیکنالوجی کی ہونگی، رانا مشہود احمد

وزیراعظم نے ٹاسک دیا ایساپورٹل بنائیں جس پرنوجوانوں کوسفارش نہ کرواناپڑے، چیئرمین وزیراعظم یوتھ پروگرام

ہفتہ 12 جولائی 2025 20:25

اسلام آباد (اُردو پوائنٹ اخبارتازہ ترین - این این آئی۔ 12 جولائی2025ء)چیئرمین وزیرِ اعظم یوتھ پروگرام رانا مشہود احمد خان نے کہا کہ ہمارادشمن ہماری استطاعت کو پرکھنے کی بار بار کوشش کرتا ہے ہم نے بنیان مرصوص میں بھارت کو گھس کر مارا ،اب جنگیں ٹیکنالوجی کی ہونگی۔

(جاری ہے)

چیئرمین وزیراعظم یوتھ پروگرام رانامشہود نے آل پاکستان میمن فیڈریشن میں منعقدہ تقریب سے خطاب کرتے ہوئے کہا کہ ہمارادشمن ہماری استطاعت کوپرکھنے کی باربار کوشش کرتا ہے ہم نے بنیان مرصوص میں بھارت کو گھس کرمارا،اب جنگیں ٹیکنالوجی کی ہونگی،اس حوالے سے نوجوانوں پرمحنت کررہے ہیں۔

انہوں نے کہا کہ وزیراعظم نے ٹاسک دیاکہ ایساپورٹل بنائیں جس پرنوجوانوں کوسفارش نہ کرواناپڑے، ان کاکہناتھاکہ پاکستان اسٹاک ایکسچینج تاریخی بلندیوں کو چھو رہی ہے اور قوی ہیکل کمپنیاں پاکستان کا رخ کر رہی ہیں،معیشت میں بگاڑ ماضی کی حکومتوں کا کیا دھرا ہے۔