پاکستان کے دوسرے گورنرجنرل ودوسرے وزیراعظم خواجہ ناظم الدین کا131واںیوم پیدائش 19 جولائی کو منایا جائیگا

اتوار 13 جولائی 2025 18:15

8 عارف والا(اُردو پوائنٹ اخبارتازہ ترین - آن لائن۔ 13 جولائی2025ء) پاکستان کے دوسرے گورنرجنرل ودوسرے وزیراعظم خواجہ ناظم الدین کا131واںیوم پیدائش 19 جولائی کو منایا جائیگا ۔وہ 19جولائی1894 میں ڈھاکا میں پید اہوئے تھے 1937میں خواجہ نظام الدین آل انڈیا مسلم لیگ میں شامل ہوئے اور پھر تاعمر اسی جماعت سے منسلک رہے ۔

(جاری ہے)

قیام پاکستان کے بعدوہ مشرقی پاکستان کے وزیر ا ٰ علیٰ منتخب ہوئے 1948میں قائد اعظم کی وفات کے بعد انہیں پاکستان کا گورنر جنرل منتخب کیا گیا 1951میں جب لیاقت علی خان شہید ہوئے تو وہ پاکستان کے وزیراعظم کے منصب پر فائر ہوئے 1953میں گورنرجنرل غلام محمد نے انہیں غیر آئینی طور پر برطرف کردیا ۔

جس کے بعد وہ دلبرداشتہ ہوکر سیاست سے کنارہ کش ہوگئے خواجہ ناظم الدین22 اکتوبر1964 کو حرکت قلب بند ہوجانے سے انتقال کرگئے تھے