اسلام آباد سمیت پنجاب، خیبر پختونخواہ، شمال مشر قی/جنوبی بلو چستان ،سندھ ، گلگت بلتستان اور کشمیر میں چند مقامات پر تیز ہواؤں/آندھی اور گرج چمک کے ساتھ بارش کی توقع ، محکمہ موسمیات

اتوار 13 جولائی 2025 18:20

اسلام آباد (اُردو پوائنٹ اخبارتازہ ترین - اے پی پی۔ 13 جولائی2025ء) وفاقی دارالحکومت اسلام آباد سمیت پنجاب، خیبر پختونخواہ، شمال مشر قی/جنوبی بلو چستان ،سندھ ، گلگت بلتستان اور کشمیر میں چند مقامات پر تیز ہواؤں/آندھی اور گرج چمک کے ساتھ بارش کی توقع ہے۔ محکمہ موسمیات کے مطابق آئندہ چوبیس گھنٹوں کے دوران اسلام آباد، خیبر پختونخواہ، کشمیر ،شمال مشرقی پنجاب ، خطہ پوٹھوہار اورشمال مشرقی بلو چستان میں چند مقامات پر موسلادھار بارش کا بھی امکان ہے۔

(جاری ہے)

گذشتہ 24 گھنٹوں کے دوران بالائی/وسطی پنجاب، مشرقی /جنوبی بلوچستان، بالائی خیبر پختو نحوا اور کشمیر میں تیزہواؤں اور گرج چمک کے ساتھ بارش ہوئی تاہم ملک کے دیگر علاقوں میں موسم گرم اور مرطوب رہا۔اس دوران سب سے زیادہ بارش راولاکوٹ میں 28، کوٹلی 4، مری: 22، گوجرانوالہ 12، سیالکوٹ ایئرپورٹ 5، اسلام آباد (سید پور 4)، حافظ آباد 4، خضدار 19، لسبیلہ 17، پشاور سٹی 6، مالم جبہ 4، باچا خان ایئرپورٹ 2 اور میر کھانی میں ایک ملی میٹر بارش ریکارڈ کی گئی۔اتوار کو ریکارڈ کئے گئے زیادہ سےزیادہ درجہ حرارت کے اعدادوشمار کے مطابق جیکب آباد، روہڑی ، دادو ، شہید بینظیر آباد اور دالبندین میں درجی حرارت 43ڈگری سینٹی گریڈ ریکارڈ کیا گیا۔

Facebook Twitter Google + Share on Whatsapp

متعلقہ عنوان :

مزید قومی خبریں