Live Updates

ٓجے ٹی آئی کی جانب سے "تعلیم بچاؤ" ریلی، صوبائی رہنماؤں کی قیادت میں دھرنا اور نعرے بازی

اتوار 13 جولائی 2025 18:40

جیکب آباد (اُردو پوائنٹ اخبارتازہ ترین - آن لائن۔ 13 جولائی2025ء) جے ٹی آئی کی جانب سے "تعلیم بچاؤ" ریلی، صوبائی رہنماؤں کی قیادت میں دھرنا اور نعرے بازی، تفصیلات کے مطابق جمعیت طلباء اسلام ضلع جیکب آباد کی جانب سے تعلیم کی تباہی کے خلاف اور عوامی شعور بیدار کرنے کے لیے تعلیم بچاؤ، ملک سنوارو ایک بڑی ریلی جے ٹی آئی سندھ کے صدر محمد اسامہ ہالیجوی، جے یو آئی ضلع جیکب آباد کے امیر ڈاکٹر اے جی انصاری،ضلعی جنرل سیکریٹری مولانا سلیم اللہ بروہی، حاجی محمد عباس بنگلانی، انجینئر حماد اللہ انصاری، جنید احمد بیروہی، حافظ سجادالرحمان قاسمانی، محمد حنیف برڑو، محکم الدین بروہی، عبدالباری اوڈھانو، تاج محمود امروٹی، عبدالحلیم گھنیو، محمد عامر جمالی، اسامہ برڑو، عبیداللہ سندھی، اسداللہ جمالی، مولاداد کوسو اور دیگر نے کی۔

(جاری ہے)

ریلی مدرسہ تعلیم القرآن جیکب آباد سے شروع ہوئی، جو شہر کے مختلف چوراہوں اور سڑکوں سے ہوتی ہوئی آگے بڑھی۔ شرکاء نے دورانِ مارچ بلند آواز میں نعرے لگائے، جن میںتعلیم بچاؤ ، سندھ سنوارواور تعلیمی اداروں میں طلبہ یونین بحال کی جائے جیسے فلک شگاف نعرے شامل تھے۔مارچ کے اختتام پر پیچوھا چوک پر دھرنا دیا گیا، اس موقع پر مقررین نے موجودہ تعلیمی نظام پر شدید تشویش کا اظہار کرتے ہوئے کہا کہ تعلیم ایک بنیادی انسانی حق ہے، لیکن بدقسمتی سے حکومتی نااہلی، کرپشن اور لاپروائی کے باعث تعلیمی ڈھانچہ تباہ ہو چکا ہے۔

انہوں نے مطالبہ کیا کہ تعلیمی اداروں میں طلبہ یونین کے انتخابات فوری بحال کیے جائیںتعلیم کا بجٹ بڑھایا جائے،نصاب کو جدید اور مفید بنایا جائے، تعلیمی اداروں سے سیاسی مداخلت ختم کی جائے اور اساتذہ کی تقرریاں مکمل طور پر میرٹ پر کی جائیں اور ان کو باعزت مقام دیا جائے ،اسی موقع پر جے ٹی آئی ضلع جیکب آباد کی مجلسِ عمومی کا انتخاب اجلاس صوبائی صدر اسامہ ہالیجوی کی نگرانی میں ہوااجلاس میں محمد حنیف برڑو کو ضلع کا صدر اور محکم الدین بروہی کو ضلعی جنرل سیکریٹری منتخب کیا گیا۔