ماحولیاتی اصلاحات میں پاکستان کی پیش رفت قابل ستائش ہے،اقتصادی استحکام کی رفتار حوصلہ افزاء ہے، ماہربنیکی

قرض پروگرام کے تحت پاکستان کی کارکردگی مضبوط ہے،مئی میں ایگزیکٹیو بورڈ کی جانب سے پہلے جائزے کی کامیاب تکمیل ایک اہم سنگ میل تھی، نمائندہ آئی ایم ایف کا تقریب سے خطاب

فیصل علوی پیر 14 جولائی 2025 14:55

ماحولیاتی اصلاحات میں پاکستان کی پیش رفت قابل ستائش ہے،اقتصادی استحکام ..

اسلام آباد(اردوپوائنٹ اخبار تازہ ترین۔14جولائی 2025) عالمی مالیاتی فنڈ (آئی ایم ایف) کے نمائندہ ماہربنیکی نے کہا ہے کہ ماحولیاتی اصلاحات میں پاکستان کی پیش رفت قابل ستائش ہے، پاکستان کی اقتصادی استحکام کی رفتار حوصلہ افزاء ہے ، قرض پروگرام کے تحت پاکستان کی کارکردگی مضبوط ہے، ساختی اصلاحات معیشت کی پائیداری کیلئے ناگزیر ہیں، ایس ڈی پی آئی اسلام آباد میں تقریب سے خطاب کرتے ہوئے پاکستان میں نمائندہ آئی ایم ایف ماہیر بیننسی کا کہنا تھا کہ ای ایف ایف کے تحت ساختی اصلاحات معیشت کی پائیداری کیلئے ناگزیر ہے۔

ماحولیاتی اصلاحات میں پاکستان کی پیش رفت قابل ستائش ہے۔ مئی میں ایگزیکٹیو بورڈ کی جانب سے پہلے جائزے کی کامیاب تکمیل ایک اہم سنگ میل تھی۔نمائندہ آئی ایم ایف کے مطابق تجارتی کشیدگی، جغرافیائی تقسیم اورعالمی سطح پر کمزور تعاون غیر یقینی صورتحال بڑھارہا ہے۔

(جاری ہے)

انہوں نے دوراندیش اوردانشمندانہ پالیسی اقدامات کی فوری ضرورت پر زور دیا۔

انہوں نے کہاکہ بڑھتی ہوئی تجارتی کشیدگی اور جغرافیائی تقسیم غیر یقینی صورتحال کو بڑھا رہی ہے۔ عالمی سطح پرکمزور ہوتا ہوا تعاون بھی غیریقینی صورتحال کو بڑھا رہا ہے۔بیرونی چیلنجز بدستور موجود ہیں۔نمائندہ آئی ایم ایف نے پاکستان اور خطے میں بدلتے ہوئے معاشی منظر نامے، اصلاحات، اور ماحولیاتی پالیسیوں پر روشنی ڈالتے ہوئے کہا کہ مشرق وسطی، شمالی افریقہ اور پاکستان میں معاشی ترقی 2025ء اور اس کے بعد مزید مستحکم ہونے کی توقع ہے تاہم بڑھتی ہوئی تجارتی کشیدگی، جغرافیائی تقسیم اور عالمی سطح پر کمزور تعاون، غیر یقینی صورتحال کو بڑھا رہا ہے اس لئے دور اندیش اور دانشمندانہ پالیسی اقدامات کی فوری ضرورت ہے۔

ماحولیاتی اصلاحات کے ضمن میں فراہم کردہ معاونت ناصرف پاکستان کی ماحولیاتی مزاحمت کو مستحکم کرے گی بلکہ سبز سرمایہ کاری کی راہ ہموار کرے گی اور معیشت کو ماحول دوست طرز پر استوار کرنے میں مدد دے گی۔نمائندہ آئی ایم ایف نے کہا کہ ٹیکس نظام کو منصفانہ بنانے، کاروباری ماحول کو بہتر کرنے اور نجی شعبے کی قیادت میں سرمایہ کاری کو فروغ دینے والی اصلاحات پاکستان کی طویل المدتی معاشی پائیداری کیلئے کلیدی حیثیت رکھتی ہیں۔