Live Updates

پنجاب، اسلام آباد ، خیبر پختونخوا، کشمیر میں اکژ مقامات اور بلوچستان میں کہیں کہیں پر بارش کی توقع

منگل 15 جولائی 2025 23:32

اسلام آباد (اُردو پوائنٹ اخبارتازہ ترین - اے پی پی۔ 15 جولائی2025ء) آئندہ 24 گھنٹوں کے دوران پنجاب، اسلام آباد ، خیبر پختونخوا، کشمیر میں اکثرمقامات پر جبکہ شمال مشر قی/جنوبی بلو چستان ، جنوب مشرقی/بالائی سندھ اور گلگت بلتستان میں کہیں کہیں تیز ہوائوں/آندھی اور گرج چمک کے ساتھ بارش کی توقع ہے ۔ اس دوران پنجاب ، اسلام آباد، بالائی خیبر پختونخوا، کشمیر اورشمال مشرقی بلو چستان میں کہیں کہیں شدید /موسلادھار بارش کا امکان ہے۔

محکمہ موسمیات کے مطابق گذشتہ 24 گھنٹوں کے دوران پنجاب ، سندھ ، اسلام آباد ، گلگت بلتستان ،کشمیر اورخیبر پختو نحوا میں تیزہوائوں اور گرج چمک کے ساتھ بارش جبکہ چند مقامات پر موسلا دھار بارش ہوئی۔ ملک کے دیگر علاقوں میں موسم گرم اور مرطوب رہا۔

(جاری ہے)

سب سے زیادہ بارش پنجاب: بہاولنگر 86، ساہیوال 44، ڈی جی خان 34، مری 24، لاہور (سٹی 23، ایئر پورٹ 22)، قصور 29، چکوال 24، نور پور تھل 21، فیصل آباد 16، اوکاڑہ 13، بھکر 11، ٹوبہ ٹیک سنگھ،جہلم10، خانیوال 08، منڈی بہائوالدین، حافظ آباد، منگلا 07، جھنگ، اٹک 06، جوہرآباد، سرگودھا 05، شیخوپورہ، سیالکوٹ سٹی، لیہ 04، اسلام آباد (شہر 07، بوکرہ 05، گولڑہ 04، سید پور، ایئرپورٹ )03، ملتان( ایئرپورٹ 05،سٹی04) گوجرانوالہ ، کوٹ ادو02،راولپنڈی(چکلالہ08، کچہری 07، شمس آباد 04، پیرودھائی 01)، سندھ: حیدرآباد (شہر 41، ایئرپورٹ 07)، ٹنڈو جام 07، بدین 04، ٹھٹھہ 01، خیبر پختونخوا: بالاکوٹ، کاکول، کالام 07، ڈی آئی خان (سٹی 05، ایئرپورٹ 04)، مالم جبہ 04، پٹن 02، میرکھانی، چراٹ 01،کشمیر: کوٹلی 05، گڑھی دوپٹہ 03، گلگت بلتستان: چلاس، سکردو میں 01ملی میٹر بارش ریکارڈ کی گئی۔

آج ریکارڈ کئے گئے زیادہ سےزیادہ درجہ حرارت : دالبندین43،تربت اور نوکنڈی میں 42ڈگری سینٹی گریڈ ریکارڈ کیا گیا۔محکمہ موسمیات نے انتباہ جاری کرتے ہوئے کہا ہے کہ آج (رات)سے 17جولائی کے دوران موسلا دھار/شدیدموسلادھار بارش کے باعث ڈی جی خان، شمال مشرقی/با لا ئی پنجاب، اسلام آباد/راولپنڈی ، شمال مشرقی بلو چستان ،کشمیر ،چترال، دیر، سوات، شانگلہ، مانسہرہ، مری، گلیات، کوہستان،ایبٹ آباد، بونیر، صوابی، نوشہرہ اور مردان کے مقامی /بر ساتی ندی نالوں میں طغیانی کا خطرہ ہے، شدید بارشوں کے باعث خیبرپختونخوا، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے۔

شدید بارشوں کے باعث گوجرانوالہ، لاہور، سیالکوٹ، سرگودھا، فیصل آباد، ملتان، خا نیوال، سا ہیوال، لو دھراں، مظفر گڑھ، کو ٹ ادو، تو نسہ، را جن پور،بہا ولپور، نوشہرہ ، پشاور، اسلام آباد/راولپنڈی کے نشیبی علا قے زیر آب آنے کا اندیشہ ہے، عوام الناس کو احتیاط کی ہدایت کی ہے، آندھی کے باعث کمزور انفرا سٹرکچر (بجلی کے کھمبے، درخت ، گاڑیوں، سولر پینل وغیرہ)، کھڑی فصلوں کو نقصان کا اندیشہ ہے۔ عوام الناس کو احتیاط کرنے کی ہدایت کی گئی ہے ۔