صدر مملکت آصف علی زرداری سے وزیر اعظم محمد شہباز شریف کی ملاقات، ملک کی سیاسی، معاشی اور سکیورٹی صورتحال پر تبادلہ خیال

منگل 15 جولائی 2025 20:40

اسلام آباد (اُردو پوائنٹ اخبارتازہ ترین - اے پی پی۔ 15 جولائی2025ء) صدر مملکت آصف علی زرداری سے وزیراعظم محمد شہباز شریف نے ایوان صدر میں ملاقات کی اور ملک کی سیاسی، معاشی اور سکیورٹی صورتحال پر تبادلہ خیال کیا۔

(جاری ہے)

ایوان صدر کے پریس ونگ سے منگل کو جاری بیان کے مطابق ملاقات میں وفاقی وزراء برائے دفاع خواجہ محمد آصف، منصوبہ بندی، ترقی و خصوصی اقدامات احسن اقبال ، قانون و انصاف اعظم نذیر تارڑ، محسن نقوی اور وزیراعظم کے مشیر برائے سیاسی و عوامی امور رانا ثناء اللہ خان بھی موجود تھے۔

ملاقات میں ملک کی سیاسی، معاشی اور سکیورٹی صورتحال پر تبادلہ خیال کیا گیا۔ ملک میں امن و امان کی صورتحال اور دہشت گردی کے خلاف اقدامات پر بھی بات چیت ہوئی۔ وزیر اعظم نے معیشت کی بہتری کے لئے حکومتی اقدامات سے صدر مملکت کو آگاہ کیا۔دونوں رہنمائوں نے ملکی استحکام، ترقی اور خوشحالی کے لیے مل کر کام کرنے کے عزم کا اعادہ کیا۔