بانی پی ٹی آئی کے نام پر ووٹ ملے تھے، پارٹی کیخلاف کوئی سودے بازی نہیں کروں گا، جمشید دستی

درخواست دہندگان کو الیکشن کمیشن نے وہ ریلیف بھی دے دیا جو انہوں نے مانگا بھی نہیں تھا، گفتگو

بدھ 16 جولائی 2025 19:48

بانی پی ٹی آئی کے نام پر ووٹ ملے تھے، پارٹی کیخلاف کوئی سودے بازی نہیں ..

اسلام آباد (اُردو پوائنٹ اخبارتازہ ترین - این این آئی۔ 16 جولائی2025ء)جمشید دستی نے کہا ہے کہ بانی پی ٹی آئی کے نام پر ووٹ ملے تھے، پارٹی کیخلاف کوئی سودے بازی نہیں کروں گا۔

(جاری ہے)

نااہلی کے معاملے پر جمشید دستی نے بتایا کہ پارٹی سے مشاورت کیلیے اسلام آباد جارہا ہوں، اس کے بعد اپیل کا فیصلہ کروں گا، مجھے معلوم تھا کہ الیکشن کمیشن کا ممکنہ فیصلہ کیا ہوگا۔جمشید دستی نے کہا کہ درخواست دہندگان کو الیکشن کمیشن نے وہ ریلیف بھی دے دیا جو انہوں نے مانگا بھی نہیں تھا۔انہوں نے کہا کہ الیکشن کمیشن کو کوئی چیز نہیں مل رہی تھی، اس لیے 2 ماہ سے فیصلہ محفوظ رہا۔یاد رہے کہ گزشتہ روز الیکشن کمیشن آف پاکستان (ای سی پی) نے رکن قومی اسمبلی جمشید دستی کو نااہل قرار دے دیا تھا۔