آئی سی سی سالانہ کانفرنس کا آغاز، چیف ایگزیکٹیو کمیٹی کا انتخاب کرلیا گیا،40 ایسوسی ایٹ ممبران اور 5 ریجنل نمائندگان نے حصہ لیا

جمعرات 17 جولائی 2025 20:22

سنگاپور (اُردو پوائنٹ اخبارتازہ ترین - این این آئی۔ 17 جولائی2025ء)سنگاپور میں آئی سی سی سالانہ کانفرنس کا آغاز ہوگیا، ابتدائی سیشن میں آئی سی سی چیف ایگزیکٹیو کمیٹی کا انتخاب کیا گیا۔انتخابی عمل میں 40 ایسوسی ایٹ ممبران اور 5 ریجنل نمائندگان نے حصہ لیا۔ فرانس کے گورومرتھی پلانی، ہانگ کانگ سے انوراگ بھٹنگر اور کینیڈا سے گردیپ کلائر سی ای سی کا حصہ بننے میں کامیاب ہوئے ہیں۔

(جاری ہے)

ان اجلاسوں میں پاکستان کی نمائندگی پی سی بی کے چیف آپریٹنگ آفیسر سمیر احمد کر رہے ہیں۔ 19 اور 20 جولائی کو شیڈول بورڈ سربراہان میٹنگ میں پی سی بی چیئرمین محسن نقوی کی شرکت بھی متوقع ہے۔مختلف اجلاسوں میں لاس ایجنلس اولمپکس کے لیے ٹیموں کے کوالیفائی کرنے کا طریقہ کار واضح ہوگا، ٹو ٹیئر ٹیسٹ کرکٹ کے ساتھ ٹی ٹوئنٹی ورلڈ کپ میں ٹیموں کی تعداد بڑھانے پر بھی تبادلہ خیال ہوگا۔اجلاس میں ون ڈے سپر لیگ کی بحالی پر بھی گفتگو متوقع ہے۔