کے پی اسمبلی، اقلیتی نشست پر ن لیگ اور جے یو آئی میں ٹاس کی جگہ افہام و تفہیم سے فیصلہ ہوگیا

جمعرات 17 جولائی 2025 21:25

پشاور(اُردو پوائنٹ اخبارتازہ ترین - این این آئی۔ 17 جولائی2025ء) خیبرپختونخوا اسمبلی میں اقلیتی نشست کے معاملے پر ٹاس کی جگہ مسلم لیگ ن اور جے یو آئی میں افہام و تفہیم سے فیصلہ ہوگیا۔فیصلہ وزیراعظم ، مولانافضل الرحمان اور دونوں پارٹیوں کی مشاورت سے کیا گیا ہے۔ مسلم لیگ ن ٹاس سے دستبردار ہوگئی اور نشست جے یو آئی کو مل گئی۔اقلیتی نشست پر ن لیگ اور جے یو آئی میں ٹاس ہوگا، پختونخوا میں مخصوص نشستوں سے متعلق فیصلہ جاری کردیا۔

(جاری ہے)

ن لیگ کے رہنما امیرمقام کا کہنا تھا کہ اپوزیشن کی بڑی پارٹی ہوتے ہوئے بلامقابلہ انتخابات کیلئے قربانی دے رہی ہے، قربانی کا مقصد یہ ہے کہ خیبرپختونخوا میں خرید وفروخت کا الزام ختم ہوجائے۔امیر مقام کا کہنا تھا کہ پارٹی کے بڑوں نے بات چیت کی، فیصلہ ہوا مسلم لیگ ن اقلیت کی نشست سے دستبردار ہوگی، ہم چاہتے ہیں مشاورت سینٹ کی سیٹیں ملیں، 6 نشستیں حکومت اور 5 اپوزیشن کو ملیں، اس پر بات ہو رہی ہے، اگر مشاورت سے بات نہیں بنتی تو اپوزیشن پھر مل کر سینٹ الیکشن لڑیگی۔