آئندہ 24 گھنٹوں کے دوران ملک کے بیشتر علاقوں میں موسم گرم اور شدید حبس کا امکان

جمعرات 17 جولائی 2025 22:10

اسلام آباد (اُردو پوائنٹ اخبارتازہ ترین - اے پی پی۔ 17 جولائی2025ء) آئندہ 24 گھنٹوں کے دوران ملک کے بیشتر علاقوں میں موسم گرم اور شدید حبس رہنے کا امکان ہے تا ہم کشمیر ،شمال مشرقی پنجاب ،خطہ پوٹھوہار اور بالائی خیبر پختونخواہ میں چند مقامات پر تیز ہواؤں اور گرج چمک کے ساتھ بارش کی توقع ہے،شمال مشرقی/جنوبی بلوچستان، جنوبی پنجاب،بالائی /جنوب مشرقی سندھ میں شام/رات کے دوران تیز ہواؤں اور گرج چمک کے ساتھ چند مقامات پر بارش کا بھی امکان ہے۔

محکمہ موسمیات کے مطابق گذشتہ 24 گھنٹوں کے دوران اسلام آباد ، پنجاب ، کشمیر ،بالائی خیبر پختو نحوا اورگلگت بلتستان میں تیزہوائوں اور گرج چمک کے ساتھ بارش ہوئی۔ اس دوران اسلام آباد، خطہ پوٹھوہار اور شمال مشرقی پنجاب میں کہیں کہیں موسلا دھار بارش بھی ہوئی ۔

(جاری ہے)

ملک کے دیگر علاقوں میں موسم گرم اور مرطوب رہا۔ سب سے زیادہ بارش پنجاب اسلام آباد(ایئرپورٹ 238، بوکڑا 197، گولڑہ 182، زیرو پوائنٹ 173، سید پور 155 )، راولپنڈی( کچہری 252، گوالمنڈی 247، کٹاریاں 234 ، چکلالہ 215، پیر ودھائی 209، شمس آباد 174 )، چکوال 178، اوکاڑہ 59، مری 44، منڈی بہاؤالدین 36، شیخوپورہ 34، منگلا 28، جہلم 22، اٹک 17، سیالکوٹ ایئرپورٹ 14، حافظ آباد 13، سیالکوٹ سٹی اور گجرات 11، نارووال 07، ساہیوال 05، گوجرانوالہ 04، جوہرآباد اور لاہور ایئرپورٹ 02، خیبرپختونخوا: کاکول 35، بالاکوٹ 15، مالم جبہ 07، پٹن06، سیدو شریف 03، کشمیر: مظفرآباد ایئرپورٹ 32، مظفرآباد سٹی 25، گڑھی دوپٹہ 15، راولاکوٹ 11، کوٹلی 04، گلگت بلتستان: گلگت 05، استور 04، چلاس 03، اسکردو اور بونجی میں 02 ملی میٹر بارش ریکارڈ کی گئی۔

جمعرات کوریکارڈ کئے گئے زیادہ سےزیادہ درجہ حرارت دالبندین 44، نوکنڈی 43،دادو اور تربت میں42سینٹی گریڈ ریکارڈ کیا گیا۔