رینجرزسندھ اور پولیس کامنشیات فروشوں اور گٹکا ما فیا کے خلاف کریک ڈائون کا سلسلہ جاری

رینجرزاور پولیس کی مختلف علاقوں میں مشترکہ کارروائیاں،3منشیات فروش گرفتار،ملزمان کے قبضے سے ہیروئن، آئس، حشیش، 2 عدد موبائل فون اور نقدی برآمد

جمعہ 18 جولائی 2025 12:57

کراچی(اُردو پوائنٹ اخبارتازہ ترین - این این آئی۔ 18 جولائی2025ء)پاکستان رینجرزسندھ اور پولیس کامنشیات فروشوں اور گٹکا ما فیا کے خلاف کریک ڈائون کا سلسلہ جاری۔ پاکستان رینجرز سندھ اور پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے ملیر چوکنڈی، مروڑا گوٹھ اور پیپری سندھی گوٹھ سے منشیات فروشی میں ملوث3 ملزمان اعجاز بروہی، نعمان آفریدی (اکرم بلوچ کا قریبی ساتھی)اور اللہ بخش عرف مولو کو گرفتار کر لیا۔

(جاری ہے)

گرفتار ملزمان کے قبضے سے بھاری مقدار میں ہیروئن، آئس، حشیش، 2 عدد موبائل فون اور نقدی برآمد کر لی گئی۔ گرفتار ملزمان کراچی کے مختلف علاقوں میں منشیات کی خریدو فروخت میں ملوث ہیں۔ ملزم اللہ بخش عرف مولو کے خلاف تھانہ بن قاسم میں ایف آئی آر درج ہے اورملزم پولیس کو مطلوب تھا۔ گرفتار ملزمان کو بمعہ منشیات اور مسروقہ سامان مزید قانونی کاروائی کے لیئے پولیس کے حوالے کر دیا گیا۔عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔