دوسرا ٹی ٹونٹی، پاکستان کا بنگلہ دیش کیخلاف ٹاس جیت کر باولنگ کا فیصلہ

بنگلہ دیش کی ٹیم کو مہمان پاکستانی ٹیم کے خلاف سیریز میں 0-1 کی برتری حاصل ہے

ذیشان مہتاب منگل 22 جولائی 2025 16:36

دوسرا ٹی ٹونٹی، پاکستان کا بنگلہ دیش کیخلاف ٹاس جیت کر باولنگ کا فیصلہ

ڈھاکہ (اردو پوائنٹ تازہ ترین اخبار ۔ 22 جولائی 2025ء) تین ٹی ٹونٹی بین الاقوامی میچوں پر مشتمل سیریز کے دوسرے میچ میں پاکستان نے بنگلہ دیش کیخلاف ٹاس جیت کر پہلے باولنگ کرنے کا فیصلہ کیا ہے۔ یہ میچ شیر بنگلہ نیشنل سٹیڈیم، ڈھاکہ میں کھیلا جائے گا۔

بنگلہ دیش کی ٹیم کو مہمان پاکستان کی ٹیم کے خلاف سیریز میں 0-1 کی برتری حاصل ہے۔

میزبان ٹیم نے پہلے ٹی ٹونٹی میچ میں پاکستان کی ٹیم کو7 وکٹوں سے شکست دی تھی۔

(جاری ہے)

پاکستان کی کرکٹ ٹیم اپنے دورہ بنگلہ دیش کے دوران میزبان ٹیم کے خلاف 3ٹی ٹوٹی بین الاقوامی میچوں کی سیریز کھیلے گی،جس کا ایک میچ کھیلا جا چکا ہے جو میزبان ٹیم نے جیت لیا تھا۔

3 ٹی ٹونٹی میچوں کی سیریز میں پاکستان ٹیم کومایہ ناز آل رائونڈر سلمان آغا لیڈ کریں گے جبکہ میزبان بنگلہ دیشی ٹیم کو مایہ ناز وکٹ کیپر بلے باز لٹن داس لیڈ کریں گے۔

دونوں ٹیموں کے درمیان تین ٹی ٹونٹی میچوں کی سیریز کا تیسرا اور آخری میچ 24 جولائی کو کھیلا جائے گا۔

تین ٹی ٹونٹی بین الاقوامی میچوں پر مشتمل سیریز کے تینوں میچز فلڈ لائٹس کی روشنی میں شیر بنگلہ نیشنل سٹیڈیم، ڈھاکہ میں کھیلے جائیں گے۔