نیشنل پارٹی کی دو روزہ تنظیمی و سیاسی ورکشاپ کا دوسرا دن علمی و فکری حوالیسے اہمیت ک حامل رہا ورکشاب سے ملک کے نامور دانشور اور ماہر علوم سیاسیات پروفیسر ڈاکٹر سید جعفر احمد نے خطے کی صورتحال پاکستان و بلوچستان کی تناظر کے عنوان پر لیکچر دیا

!کوئٹہ (اُردو پوائنٹ اخبارتازہ ترین - آن لائن۔ 22 جولائی2025ء) نیشنل پارٹی کی دو روزہ تنظیمی و سیاسی ورکشاپ کا دوسرا دن علمی و فکری حوالیسے اہمیت ک حامل رہا ورکشاب سے ملک کے نامور دانشور اور ماہر علوم سیاسیات پروفیسر ڈاکٹر سید جعفر احمد نے خطے کی صورتحال پاکستان و بلوچستان کی تناظر کے عنوان پر لیکچر دیا۔ ورکشاپ سے خطاب کرتے ہوئے نیشنل پارٹی کے سربراہ ڈاکٹر عبدالمالک بلوچ نے کہا کہ ورکشاپ کا مقصد نوجوان سیاسی کارکنوں کی سیاسی و تنظیمی تربیت کرنا اور ان کی صلاحیتوں کو نکھار کر سیاسی قیادت کی طرف منتقل کرنا ہے۔

انہوں نے کہا کہ ملک کی 90 فیصد قیادت طلبا تنظیموں سے ہے۔جو طلبا سیاست میں سرگرم رہے اور فکری و نظریاتی تربیت سے اراہستہ ہوئے۔نیشنل پارٹی کے سربراہ نے کہا کہ طلبا یونین پر پابندی سے سیاسی نرسری روک گء اور قیادت کا بحران پیدا ہوا۔

(جاری ہے)

انہوں نے کہا کہ سیاسی قیادت کی کوالٹی ہوتی ہے جس میں کمٹمنٹ کامریڈ شپ عوام سے تعلق محنت اور کرادر کا ہونا ضروری ہے سیاسی کارکن اگر کتاب سے دور رہے گا تو وہ وزڈم حاصل نہیں کرے گا نیشنل پارٹی کے سربراہ ڈاکٹر مالک بلوچ نے کہا کہ نیشنل پارٹی نوجوانوں کو کتاب کا سلیبس فراہم کرے گا جن کو پڑھنا ہر سیاسی کارکن کے لیے ضروری ہے انہوں نے کہا کہ انسانی حقوق کی پامالی سنگین مسلہ ہے نیشنل پارٹی کے رہنما غفار قمبرانی اور عمران بلوچ سیاسی کارکن ہے ان سمیت دیگر گرفتار خواتین کے ساتھ رویہ منفی اور انسانی حقوق کی خلاف ورزی ہے۔

*ڈاکٹر مالک بلوچ نے کہا کہ ریاست کا رویہ قوم پرست جماعتوں، سینئر بیوروکریٹ، غیر جانبدار صحافیوں، سیاسی سوچ رکھنے والے طالب علموں اور پروفیسروں کے ساتھ انتہائی غیر منصفانہ ھے۔* ڈاکٹر مالک بلوچ نے کہا کہ تنظیم و ڈسپلن پر کار بند سیاسی کارکن ہی کامیابی حاصل کرسکتا ہے۔نیشنل پارٹی میں سیاسی کارکن اپنی محنت و کمٹمنٹ سے قیادت کی سطح پر پہنچتا ہے نیشنل پارٹی کے سربراہ نے کہا کہ نیشنل پارٹی تنقید خود تنقیدی اور اجتماعی فیصلے پر یقین رکھتی ہے۔

سیاسی کارکن کے لیے تنقید برداشت کرنا اور اپنا اصلاح کرنا ضروری ہے۔انہوں نے کہا کہ بلوچستان کی موجودہ صورتحال سنجیدگی و بالیدگی اور بصیرت کے متقاضی ہے اس لیے سیاسی کارکن ہر بڑی زمہ داری عائد ہوتی ہے کہ وہ پارٹی پالیسی و فلسفہ پر گامزن رہے۔ ورکشاپ سے ملک کے نامور دانشور اور ماہر علوم سیاسیات پروفیسر ڈاکٹر سید جعفر احمد نے "پاکستان، بلوچستان اور خطے کی صورتحال" کے موضوع پر تفصیلی لیکچر دیتے ہوئے کہا برصغیر کی تقسیم میں درحقیقت انگریز کی جلدی جلدی نکلنے میں اہم کردار تھا۔

جلد بازی میں ریاستی اداروں کی تشکیل، آئینی عمل، اور عوامی رائے کو نظر انداز کر دیا گیا۔ اس کے نتیجے میں پاکستان ایک ایسا ملک بن کر ابھرا جس کے پاس نہ آئین تھا، نہ قومی اتفاقِ رائے، نہ ادارہ جاتی ڈھانچہ انہوں نے وضاحت کرتے ہوئے کہا کہ آزادی کے بعد بھی پاکستان نے 1935 کے نوآبادیاتی ایکٹ کو بطور عبوری آئین جاری رکھا، جو ایک آزاد اور خودمختار ریاست کے لیے ناکافی تھا۔

اس سے ثابت ہوتا ہے کہ ریاستی آزادی کے باوجود فکری و ادارہ جاتی غلامی برقرار رہی۔افریقہ کی مثال دیتے ہوئے کہا کہ ان ریاستوں نے اپنی آزادی کے عمل کو مشاورتی انداز میں مکمل کیا، جس کی بدولت سیاسی اور آئینی نظام قائم ہو سکے۔پروفیسر ڈاکٹر سید جعفر نے بلوچستان کے سیاسی پس منظر پر بات کرتے ہوئے کہا کہ الحاق کے بعد وفاقی حکومت نے یہاں کے وسائل، شناخت اور خودمختاری کو مسلسل نظرانداز کیا۔

یہی عوامل آج بھی احساسِ محرومی کو جنم دے رہے ہیں۔انہوں نے کہا کہ ایوب خان کا مارشل لا ملڑی و سول بیوروکریسی کا جوائنٹ وینچر تھا،انہوں نے کہا کہ ملک جمہوری قوتوں نے جدوجہد کی لیکن نیشنلسٹ جماعتوں کی جدوجہد زیادہ ومنظم رہی ہے۔بنگال کے نیشنلسٹ جماعتوں نے بھی مقتدرہ کے خلاف جدوجہد کی اور کوشش کی کہ عوامی بالادستی ہو لیکن ان کو دھکیلا گیا اور ملک کو توڑ دیا گیا۔

ڈاکٹر جعفر نے کہا کہ 1973 کا آئین کوئی ائیڈیل آئین نہیں۔بھٹو نے یقین دلایا تھا کہ کنکرنٹ لسٹ کا خاتمہ دس سال میں کی جائے گا لیکن ایسا نہیں ہوا۔انہوں نے کہا کہ پاکستان وفاقی ریاست ہے اور سینٹ کی روح کا مقصد برابری کی بنیاد پر نمائندگی اور دوسرا اس کا مسلسل قائم رہنا لیکن بدقسمتی سے آمریت و آمروں ضیا و مشرف نے سینٹ کو بھی توڑا۔ملک میں این ایف سی ایوارڈ اور سی سی آئی کا اجلاس نہیں ہوتا۔

انہوں نے کہا کہ سویت یونین کا آئین میں درج تھا کہ حق خودارادیت ہر قوم کا حق ہے یہ ان قومیتوں کی شعوری ارتقا کو ظاہر کرتی ہے۔ضروری نہیں حق خودارادیت میں ملک سے جدا ہونا لیکن باہمی راضی مندی سے برابری و انصاف کا توازن کو برقرار رکھنا بھی ہے۔انہوں نے کہا کہ دنیا میں 28 وفاق ریاستیں ہیں۔ایک باعمل وفاق سے لوگوں مطمئن ہو ہوتے ہیں پاکستان میں قومی وحدتوں کے معاملات میں اسٹیبلشمنٹ حاوی رہا۔انہوں نے کہا کہ بلوچستان کو قومی وحدت تسلیم نہ کرنے کی پالیسی نے صوبے کو محرومیوں کا شکار کردیا۔بلوچستان کی حقیقت کو مانے بغیر تعمیر و ترقی حاصل نہیں کی جاسکتی۔ورکشاپ میں نیشنل پارٹی کی مرکزی و صوبائی قاہدین اور اضلاع کے نمائندوں نے شرکت کی