وفاقی وزیر انجینئر امیر مقام سے راجہ مشتاق احمد منہاس کی ملاقات

جمعہ 25 جولائی 2025 22:40

اسلام آباد (اُردو پوائنٹ اخبارتازہ ترین - اے پی پی۔ 25 جولائی2025ء) وفاقی وزیر و صدر پاکستان مسلم لیگ (ن) خیبرپختونخوا انجینئر امیر مقام سے آزاد کشمیر کے سابق وزیر اطلاعات و مسلم لیگ (ن) آزاد کشمیر کے سینئر نائب صدر راجہ مشتاق احمد منہاس نے ملاقات کی۔

(جاری ہے)

یہاں جاری بیان کے مطابق راجہ مشتاق احمد منہاس نے وفاقی وزیر کو ان کے فرزند نیاز امیرمقام کے سینیٹر منتخب ہونے پر مبارکباد دی اور نیک تمنائوں کا اظہار کیا۔اس موقع پر صدر مسلم لیگ ن ضلع مالاکنڈ، مسلم لیگ (ن) آزاد کشمیر کے رہنما سردار فرحان اعظم سمیت دیگر لیگی رہنما و کارکن بھی موجود تھے۔ملاقات میں آزاد کشمیر کی موجودہ سیاسی صورتحال سمیت باہمی دلچسپی کے امور پر تبادلہ خیال کیا گیا۔