کیپٹن راجہ محمد سرور شہیدکا 77واںیوم شہادت (کل)منایا جائیگا

ہفتہ 26 جولائی 2025 13:33

مکوآنہ (اُردو پوائنٹ اخبارتازہ ترین - این این آئی۔ 26 جولائی2025ء) نشان حیدر اعزاز حاصل کرنے والے پاک فوج کے آفیسر کیپٹن راجہ محمد سرور شہید کا 77واںیوم شہادت (کل)اتوارکومنایا جائے گا ،وہ پہلا نشان حیدر اعزاز حاصل کرنے والے آفیسر تھے۔یوم شہادت کے سلسلے میں فیصل آباد سمیت مختلف شہروں میں منعقدہ تقریبات میں شہید کو خراج عقیدت پیش کیا جائے گا۔

(جاری ہے)

راجہ محمد سرور شہید10نومبر1910 کو ضلع راولپنڈی میں پیدا ہوئے آپ کے والد راجہ حیات خان پاک فوج میں حوالدار تھے۔راجہ سرور شہید نی15اپریل 1929 کو فوج میں بطور سپاہی شمولیت اختیار کی1944 میں آرمی انجینئر کور میں شمولیت اختیار کی اور 1946 کو پنجاب رجمنٹ کی بٹالین میں کمپنی کمانڈر مقرر ہوئے اور 1947 میں انہیں کیپٹن کے عہدے پر ترقی دے دی گئی۔جولائی 1948 میں دشمن ملک کی فوج نے کشمیر کے اوڑی سیکٹر میں حملہ کیاکیپٹن راجہ سرورنے دشمن کے مورچوں پر حملہ کیا اور 27جولائی 1948 کوسینے پر گولی کھا کر جام شہادت نوش کیاانہیں پاکستان کا پہلا نشان حیدر اعزاز عطا کیا گیا۔