چانسلر/گورنر سندھ کی وائس چانسلرز سے ملاقات، "معرکہ حق، جشنِ آزادی" کی تقریبات کو بھرپور انداز میں منانے کی ہدایت

ہفتہ 26 جولائی 2025 18:54

کراچی (اُردو پوائنٹ اخبارتازہ ترین - این این آئی۔ 26 جولائی2025ء)چانسلر / گورنر سندھ کامران خان ٹیسوری نے صوبے کی سرکاری و نجی جامعات کے وائس چانسلرز سے گورنر ہاؤس میں ملاقات کی، جس میں "معرکہ حق، جشنِ آزادی" کے تحت منعقد ہونے والی تقریبات کے حوالے سے تفصیلی تبادلہ خیال کیا گیا۔گورنر سندھ نے وائس چانسلرز کو ہدایت کی کہ جامعات میں یومِ آزادی کی تقریبات جوش و جذبے، وقار اور قومی یکجہتی کے ساتھ منائی جائیں۔

انہوں نے کہا کہ "معرکہ حق، جشنِ آزادی" محض ایک عنوان نہیں، بلکہ طلبہ و طالبات کو نظریاتی شعور، حب الوطنی اور اتحاد کے پیغام سے جوڑنے کا موقع ہے۔ گورنر سندھ نے وائس چانسلرز پر زور دیا کہ نوجوان نسل کو مایوسی سے نکال کر مثبت سوچ اور فعال کردار کی جانب راغب کیا جائے۔

(جاری ہے)

انہوں نے کہا کہ تعلیمی ادارے ملک کی فکری بنیادیں ہیں، یہاں سے شعور، تعمیر اور ترقی کا سفر شروع ہوتا ہے۔

اس موقع پر وائس چانسلرز نے "معرکہ حق، جشنِ آزادی" کی تقریبات میں گورنر سندھ کو بطور مہمانِ خصوصی مدعو کیا، جسے انہوں نے خوش دلینسینقبولنکیا۔ملاقات میں این ای ڈی یونیورسٹی آف انجینئرنگ اینڈ ٹیکنالوجی کے وائس چانسلر پروفیسر ڈاکٹر محمد طفیل جوکھیو، وائس چانسلر ایس بی بی دیوان یونیورسٹی ڈاکٹر محمد اورنگزیب خان، ڈی ایچ اے صفہ یونیورسٹی (DSU) کے پرو وائس چانسلر پروفیسر ڈاکٹر جوہر خورشید فاروقی، پرو وائس چانسلر داؤد یونیورسٹی آف انجینئرنگ اینڈ ٹیکنالوجی (DUET) پروفیسر ڈاکٹر عبدالوحید بھٹو، وائس چانسلر نذیر حسین یونیورسٹی (NHU) پروفیسر ڈاکٹر مسرور احمد شیخ، وائس چانسلر انڈس یونیورسٹی پروفیسر ڈاکٹر انجینئر عاصم الرحمان خان، وائس چانسلر علما یونیورسٹی پروفیسر ڈاکٹر منصور الظفر داؤد، چانسلر گرین وچ یونیورسٹی سیما مغل، SZABIST میں نائب صدر ڈویلپمنٹ اینڈ فنانس نسرین حق، پرو چانسلر کراچی انسٹی ٹیوٹ آف اکنامکس اینڈ ٹیکنالوجی (KIET) ڈاکٹر سید یوسف احمد کے علاوہ دیگر وائس چانسلرز اور ان کے نامزد کردہ پروفیسرزنبھینشریکنتھے۔