این اے 129ضمنی انتخاب، پی ٹی آئی کا حماد اظہر کو میدان میں اتارنے کا فیصلہ

قانونی پیچیدگی کی صورت میں ان کے خاندان سے کسی کو ٹکٹ دیا جائے گا ‘ ذرائع

ہفتہ 26 جولائی 2025 23:00

این اے 129ضمنی انتخاب، پی ٹی آئی کا حماد اظہر کو میدان میں اتارنے کا ..

لاہور (اُردو پوائنٹ اخبارتازہ ترین - این این آئی۔ 26 جولائی2025ء) پاکستان تحریک انصاف نے لاہور کے حلقہ این اے 129کے ضمنی انتخاب میں حماد اظہر کو میدان میں اتارنے کا فیصلہ کرلیا جبکہ (ن) لیگ میں بھی کسی بڑے کھلاڑی کو بھی میدان میں اتارے جانے پر غور جاری ہے، دونوں پارٹیاں حتمی اعلان الیکشن کمیشن کی جانب سے شیڈول جاری ہونے کے بعد کریںگی ۔

(جاری ہے)

تفصیلات کے مطابق پاکستان تحریک انصاف سے تعلق رکھنے والے رکن قومی اسمبلی میاں اظہر کے انتقال کے باعث لاہور کی نشست این اے 129خالی ہوگئی، جس پر ضمنی الیکشن کا اعلان الیکشن کمیشن آف پاکستان کرے گی۔

ذرائع کے مطابق پی ٹی آئی نے این اے 129سے ضمنی الیکشن میں حماد اظہر کو میدان میں اتارنے کا فیصلہ کرلیا جبکہ فیصلہ کیا گیا ہے کہ کسی بھی قانونی پیچیدگی کی صورت میں حماد اظہر کی فیملی سے ہی امیدوار ہوگا۔دوسری جانب مسلم لیگ (ن)کی جانب سے میاں نعمان، رانا مشہود اور مہر اشتیاق نے لابنگ شروع کردی ہے، حکمران جماعت کی جانب سے بھی کسی بڑے کھلاڑی کو میدان میں اتارے جانے پر غور جاری ہے۔ذرائع کے مطابق الیکشن کمیشن آف پاکستان کی جانب سے شیڈول جاری ہونے کے بعد دونوں پارٹیاں حتمی اعلان کریں گی۔