9 مئی مقدمات میں فئیر ٹرائل و بنیادی انسانی حقوق پامال ہوئے ، شبلی فراز نے چیف جسٹس یحییٰ آفریدی کو خط لکھ دیا، تحفظات کااظہار

قانون کی بالادستی کے بغیر انصاف ممکن نہیں ، آئین کے آرٹیکل 10 اے کی خلاف ورزی ناقابل قبول ہے، شبلی فراز نے چیف جسٹس سے درخواست کی ہے کہ اپنا آئینی کردار ادا کریں

فیصل علوی بدھ 30 جولائی 2025 16:48

9 مئی مقدمات میں فئیر ٹرائل و بنیادی انسانی حقوق پامال ہوئے ، شبلی فراز ..

اسلام آباد(اردوپوائنٹ اخبار تازہ ترین۔30جولائی 2025)9 مئی کے مقدمات میں فئیر ٹرائل اور بنیادی انسانی حقوق پامال ہوئے، شبلی فراز نے چیف جسٹس یحییٰ آفریدی کو خط لکھ دیا، سینیٹ میں قائد حزب اختلاف سینیٹر شبلی فراز نے چیف جسٹس کے نام لکھے گئے اپنے خط میں کہا ہے کہ قانون کی بالادستی کے بغیر انصاف ممکن نہیں ، آئین کے آرٹیکل 10 اے کی خلاف ورزی ناقابل قبول ہے۔

شبلی فراز نے سپریم کورٹ کے چیف جسٹس یحییٰ آفریدی کو خط لکھا ہے کہ 9 مئی کے مقدمات میں عدالتی کارروائیوں اور پراسیکیوشن کے کردار پر تحفظات کا اظہار کردیا۔ اپنے خط میں شبلی فرازنے یہ بھی لکھا کہ9 مئی کے مقدمات میں فئیر ٹرائل اور بنیادی انسانی حقوق پامال ہوئے، بنیادی انسانی حقوق کے تحفظ کیلئے عدلیہ کا کردار سب سے اہم ہے۔

(جاری ہے)

چیف جسٹس سے درخواست ہے کہ اپنا آئینی کردار ادا کریں۔

شبلی فراز کاکہناہے کہ منصفانہ ٹرائل کا حق بنیادی انسانی حق ہے۔ عدلیہ آئین کی محافظ ہے، سیاسی دباؤ کو نظر انداز کرے، کوئی فرد قانون سے بالاتر نہیں۔ شفافیت اور میڈیا کی آزادانہ رسائی یقینی بنائی جائے۔سینیٹر شبلی فراز نے چیف جسٹس سے اپیل کی ہے کہ پولیس اور پراسیکیوشن کی جانبداری کی غیر جانبدار تحقیقات کرائی جائے اور 9مئی کے تمام کیسز کا آئینی اصولوں کے مطابق جائزہ لیا جائے۔

پولیس اور پراسیکیوشن کی جانبداری کی غیر جانبدار تحقیقات کرائی جائے اور 9مئی کے تمام کیسز کا آئینی اصولوں کے مطابق جائزہ لیا جائے۔انہوں نے اپنے خط میں مشکوک مقدمات کو دوبارہ کھولنے کی اپیل کرتے ہوئے کہا ہے کہ انصاف اورجمہوریت کا تحفظ عدلیہ کی ذمہ داری ہے۔واضح رہے کہ اس سے قبل سینیٹر شبلی فراز نے چیئرمین سینیٹ یوسف رضا گیلانی کو خط لکھ کر چیف الیکشن کمشنر کی تقرری کیلئے پارلیمانی کمیٹی تشکیل دینے کا مطالبہ کیا تھا۔

شبلی فراز کے اپنے خط میں کہا تھا کہ موجودہ چیف الیکشن کمشنر سکندر سلطان راجہ کی مدت ملازمت 26 جنوری 2025 کو ختم ہو رہی تھی۔ شبلی فراز نے اپنے خط میں یہ درخواست بھی کی تھی کہ چیف الیکشن کمشنر کی تقرری کیلئے پارلیمانی کمیٹی کی تشکیل جلد از جلد کی جائے۔