قومی تھرو بال اور کیچ بال ٹیموں کے چنائو کے سلسلہ دو روز ٹرائلز (آج)سے شروع ہونگے

جمعہ 1 اگست 2025 13:35

اسلام آباد (اُردو پوائنٹ اخبارتازہ ترین - این این آئی۔ 01 اگست2025ء)قومی تھرو بال اور کیچ بال ٹیموں کے چنائو کے سلسلہ دو روز ٹرائلز (آج) ہفتہ سے منی سپورٹس کمپلیکس، ناظم آباد کراچی میں شروع ہونگے۔

(جاری ہے)

گزشتہ روز پاکستان تھرو بال فیڈریشن کے سیکرٹری جنرل مقبول آرائیں نے بتایا کہ ٹرائلز کے انتظامات مکمل کر لئے گئے ہیں اور خواتین کی ٹیموں کے چنائو کے سلسلہ میں ٹرائلز شام پانچ بجے سے ساڑھے سات بجے تک جبکہ مردوں کے لئے ٹرائلز رات ساڑھے سات بجے سے ساڑھے آٹھ بجے تک منعقد ہونگے۔

قومی تھرو بال ٹیمیں انٹرنیشنل مینز اینڈ ویمنز تھرو بال چیمپئن شپ میں شرکت کریں گی جو 26 سے 30 دسمبر تک قطر میں منعقد ہو گی جبکہ قومی ویمن کیچ بال ٹیم ورلڈ ویمن کیچ بال چیمپئن شپ میں شرکت کرے گی جو 13 سے 16 نومبر ہالینڈ میں منعقد ہوگی۔ انہوں نے کہا کہ ٹرائلز میں کھلاڑیوں انتخاب میرٹ کی بنیاد پر ہوگا۔ ٹرائلز کے لئے مقبول آرائیں کی سربراہی میں الیکشن کمیٹی تشکیل دی گئی ہے دیگر ممبران میں عظمت پاشا، احمد ارشد، آئیون فیڈرک،عدنان ترین اوربلال حسین ہیں۔