پاکستان اور ایران کے وزرائے خارجہ کے درمیان ملاقات، دوطرفہ تعلقات کو مضبوط بنانے پر زور

ہفتہ 2 اگست 2025 21:20

اسلام آباد (اُردو پوائنٹ اخبارتازہ ترین - اے پی پی۔ 02 اگست2025ء) پاکستان کے نائب وزیراعظم و وزیر خارجہ سینیٹر محمد اسحاق ڈار نے ہفتہ کو ایرانی وزیر خارجہ سید عباس عراقچی سے اسلام آباد میں ملاقات کی اور دونوں رہنمائوں نے پاکستان۔ایران تعلقات کو مضبوط بنانے کے عزم کا اعادہ کیا۔

(جاری ہے)

ترجمان دفتر خارجہ کی طرف سے جاری بیان کے مطابق ایرانی وزیر خارجہ ایرانی صدر ڈاکٹر مسعود پیزشکیان کی قیادت میں سرکاری دورے پر آئے وفد کا حصہ ہیں۔

ملاقات کے دوران دونوں رہنمائوں نے پاکستان۔ایران تعلقات کو مضبوط بنانے کے عزم کا اعادہ کیا، جس میں علاقائی استحکام، تجارت اور معاشی تعاون کو وسعت دینے پر خصوصی توجہ دی گئی۔ انہوں نے باہمی دلچسپی کے کلیدی شعبوں میں دوطرفہ تعاون کو بڑھانے پر بھی تبادل خیال کیا۔