جموں و کشمیر لبریشن سیل کے زیرا ہتمام یوم استحصال کے موقع پر مظفرآباد میں احتجاجی ریلی کا انعقاد کیا گیا

منگل 5 اگست 2025 17:13

مظفرآباد(اُردو پوائنٹ اخبارتازہ ترین - این این آئی۔ 05 اگست2025ء)جموں و کشمیر لبریشن سیل کے زیرا ہتمام یوم استحصال کے موقع پر مظفرآباد میں احتجاجی ریلی کا انعقاد کیا گیا۔ ریلی کی قیادت وزیر اطلاعات پیر مظہر سعید شاہ، وزیر جموں و کشمیر۔لبریشن سیل محترمہ امتیاز نسیم, کنوینر ال پارٹیز حریت کانفرنس غلام محمد صفی، چیف سیکرٹری آزاد کشمیرخوشحال خان نے کی۔

(جاری ہے)

شرکا ریلی نے مقبوضہ جموں و کشمیر میں ہندوستان کے ناجائز قبضہ کے خلاف نعرہ بازی کی۔ ریلی کے شرکا نے پاکستان اور اآزاد کشمیر کیپرچم اٹھارکھے تھے۔ ریلی کے شرکاء نے اقوام متحدہ کے مبصر دفتر میں یادداشت پیش کی جس میں ہندوستان کے مقبوضہ کشمیر پر ناجائز قبضہ، 5 اگست 2019 کے بعد کے اقدامات، مقبوضہ کشمیر میں انسانی حقوق کی خلاف ورزیوں کی مذمت کی گئی اور اقوام متحدہ کے سیکرٹری جنرل سے مطالبہ کیا گیا کہ وہ کشمیر کے حوالہ سے اپنی قراردادوں پر عملدرآمد کروائے۔