دو ریاستی حل کانفرنس نے امن کا راستہ ہموار کر دیا، پیچھے مڑنا ممکن نہیں، فلسطینی مندوب

یہ دستاویز دو ریاستی حل کے نفاذ کے لیے ایک مکمل اور قابل عمل فریم ورک فراہم کرتی ہے،گفتگو

بدھ 6 اگست 2025 18:11

نیویارک(اُردو پوائنٹ اخبارتازہ ترین - این این آئی۔ 06 اگست2025ء)فلسطین کے اقوام متحدہ میں مندوب ریاض منصور نے کہا ہے کہ نیویارک میں سعودی عرب اور فرانس کی مشترکہ صدارت میں منعقدہ دو ریاستی حل کانفرنس نے امن کے لیے ایک مضبوط بنیاد رکھی ہے، جس سے پیچھے ہٹنا ممکن نہیں۔انہوں نے واضح کیا کہ اس کانفرنس نے جنگ کے متبادل کا واضح پیغام دیا ہے۔

(جاری ہے)

اسی دن سعودی وزرات عظمی نے اقوام متحدہ کے تمام رکن ممالک سے اپیل کی کہ وہ فلسطینی مسئلے کے پرامن حل کے لیے اس کانفرنس کی حتمی دستاویز کی حمایت کریں۔

یہ دستاویز دو ریاستی حل کے نفاذ کے لیے ایک مکمل اور قابل عمل فریم ورک فراہم کرتی ہے، جو بین الاقوامی سکیورٹی اور امن کو مضبوط بنانے کے ساتھ ساتھ خطے اور اس کے لوگوں کے مستقبل کی تعمیر میں بھی مددگار ثابت ہوگی۔