راولپنڈی آرٹس کونسل میں یوم استحصال کشمیر پر مبنی ڈرامہ ''زنجیر'' نے ناظرین کے دل جیت لیے

بدھ 6 اگست 2025 23:01

راولپنڈی (اُردو پوائنٹ اخبارتازہ ترین - اے پی پی۔ 06 اگست2025ء) راولپنڈی آرٹس کونسل میں یوم استحصال کشمیر پر بھارت کی جانب سے کشمیر کی خصوصی حیثیت کو ختم کرنے ،کشمیریوں پر ڈھائے جانے والے مظالم اور اقوام متحدہ کی قراردادوں کے مطابق خودارادیت جیسے حساس اور اہم موضوع پر مبنی ڈرامہ ''زنجیر'' نے ناظرین کے دل جیت لیے۔ اس ڈرامے میں مقبوضہ کشمیر کے عوام کی محرومیوں، جدوجہد اور قربانیوں کو نہایت حقیقت پسندانہ انداز میں پیش کیا گیا۔

(جاری ہے)

‎‎ڈرامہ زنجیر کاشف رضا کی تحریر ہے جنہوں نے نہایت باریک بینی سے کشمیر کی سیاسی و سماجی صورتحال کو کہانی کی صورت میں پرویا۔ ہدایت کاری کے فرائض انجم عباسی نے سرانجام دیئےجنہوں نے ڈرامے کے ہر پہلو کو فنی خوبصورتی اور گہرائی کے ساتھ پیش کیا۔‎ڈرامہ میں شامل تمام فنکاروں نے اپنی بہترین اداکاری سے کرداروں کو جاندار بنا دیاجس پر ناظرین نے بے حد داد دی اور ڈرامے کو ایک اہم ترین کاوش قرار دیا۔ ڈرامہ ''زنجیر'' نے ناظرین کو نہ صرف محظوظ کیا بلکہ انہیں سوچنے پر بھی مجبور کیا کہ کشمیر آج بھی آزادی اور انصاف کا منتظر ہےجو اقوام عالم کو دعوت فکر دیتا ہے کہ وہ جلد اقوام متحدہ کی قراردادوں پر عمل کروائیں اور کشمیر یوں کو آزادی کا حق دلوائیں۔