میری پہچان پاکستان کی جشن آزادی اور معرکہ بنیان المرصوس کی کامیابی پر مرکزی پروگرام کی تیاریاں عروج پر پہنچ گئیں

مرکزی پروگرام کراچی پریس کلب پر 13اگست کو ہوگا جس سے ڈاکٹر عشرت العباد خطاب کریں گے،ترجمان میری پہچان پاکستان

اتوار 10 اگست 2025 17:35

کراچی(اُردو پوائنٹ اخبارتازہ ترین - این این آئی۔ 10 اگست2025ء)میری پہچان پاکستان کی جشن آزادی، جشن فتح اور معرکہ بنیان المرصوس کی کامیابی پر مرکزی پروگرام کی تیاریاں عروج پر پہنچ گئیں۔ کراچی کے تمام ٹانز میں اجلاس اور عوامی رابطہ مہم کے ساتھ ساتھ شہر بھر میں قومی پرچم لگائے جا رہے ہیں۔ اسٹیکرز اور بیجزبھی تقسیم کئے گئے ہیں۔

(جاری ہے)

ڈاکٹر عشرت العباد خان قومی وحدت اور پاکستان میں اکائیوں کو جوڑنے کی علامت ہیں۔

ریاست پہلے اور میری پہچان پاکستان کی سوچ نے قوم میں ایک نئی روح پھونک دی ہے۔ جبکہ پاکستان بنانے اور پاکستان بننے سے آج تک شہید قومی ہیروز کو خراج عقیدت پیش کر رہے ہیں۔ مرکزی پروگرام کراچی پریس کلب پر 13اگست کو ہوگا جس سے ڈاکٹر عشرت العباد خطاب کریں گے۔ جبکہ قومی و ملی نغمے اور شاندار قومی سوچ کے ساتھ وطن پرستی کے جزبے کا شاندار مظاہرہ کیا جائے گا۔