جسٹس اقبال کلہوڑو اپوزیشن لیڈر سٹی کونسل سمیت 9 ٹاؤن چیئر مینز کی بجلی کی لوڈشیڈنگ کیخلاف درخواست کی سماعت سے معذرت کرلی

منگل 12 اگست 2025 17:30

کراچی (اُردو پوائنٹ اخبارتازہ ترین - این این آئی۔ 12 اگست2025ء) سندھ ہائی کورٹ کے جسٹس محمد اقبال کلہوڑو نے اپوزیشن لیڈر سٹی کونسل سمیت 9 ٹاؤن چیئر مینز کی بجلی کی لوڈشیڈنگ کیخلاف درخواست کی سماعت سے معذرت کرلی جس کے بعد عدالت نے کیس کی مزید سماعت کے لیے معاملہ چیف جسٹس سندھ ہائیکورٹ کو ارسال کرتے ہوئے سماعت 12 ستمبر تک ملتوی کردی۔سندھ ہائیکورٹ میں اپوزیشن لیڈر سٹی کونسل سمیت 9 ٹاؤن چیئر مینز کی بجلی کی لوڈشیڈنگ کیخلاف درخواست کی سماعت ہوئی۔

نیپرا نے درخواست پر اپنے اعتراضات اور جواب جمع کروادیا۔ نیپرا نے جواب میں کئا کہ درخواستگزاروں نے متبادل فورم کی موجودگی میں عدالتی کارروائی شروع کی۔ درخواست ناقابل سماعت ہے مسترد کی جائے۔ ٹاؤن چیئرمین لیاقت آباد نے نیپرا کو لوڈ شیڈنگ سے متعلق شکایت درج کروائی۔

(جاری ہے)

ٹان چیئرمین لیاقت آباد شکایت کی متعدد سماعتوں میں سے صرف ایک سماعت پر خود پیش ہوئے۔

ٹاؤن چیئرمین لیاقت آباد کی شکایت پر نیپرا نے کے الیکٹرک کو علاقے میں ترسیل کے نظام کو اپگریڈ کرنے کی ہدایت کی۔کے الیکٹرک کو درخواستگزار کے علاقے میں بجلی چوری روکنے اور بلا تعطل بجلی کی فراہمی کی ہدایت کی ہے۔ کمرشل بنیادوں پر لوڈ شیڈنگ نیپرا قوانین کی خلاف ورزی ہے۔ 2023 میں کے الیکٹرک کو شوکاز نوٹس جاری کیا تھا۔ 2024 میں لائن لاسز کی بنیاد پر لوڈشیڈنگ کرنے پر کے الیکٹرک پر 5 کروڑ روپے جرمانہ عائد کیا گیا۔

نیپرا قوانین کی خلاف ورزی پر کے الیکٹرک پر جرمانہ عائد کیا ہے۔ کے الیکٹرک نے جرمانے کیخلاف اپیلیٹ ٹریبونل سے حکم امتناع حاصل کررکھا ہے۔ نیپرا بطور ریگولیٹر کسی بھی خلاف ورزی پر کارروائی کرتا ہے۔ عدالتی احکامات کے مطابق کے الیکٹرک کے سروے کے احکامات جاری کردیئے ہیں۔ نیپرا کی جانب سے کے الیکٹرک کو مانیٹر کیا جارہا ہے۔ کسی بھی خلاف ورزی کی صورت میں قانونی کارروائی کی جائے گی۔ بینچ کے سربراہ جسٹس محمد اقبال کلہوڑو نے کیس کی مزید سماعت سے معذرت کرلی۔ عدالت نے کیس کی مزید سماعت کے لیے معاملہ چیف جسٹس سندھ ہائیکورٹ کو ارسال کرتے ہوئے سماعت 12 ستمبر تک ملتوی کردی۔