سی پیک پورے پاکستان خاص طور پر بلوچستان کی خوشحالی کی کنجی ہے،ڈپٹی چیئرمین سینیٹ

سی پیک سے متعلق منفی تاثرات مسترد کرتے ہیں،ڈپٹی چیئرمین سینیٹ کاتقریب سے خطاب

بدھ 13 اگست 2025 22:36

اسلام آباد(اُردو پوائنٹ اخبارتازہ ترین - این این آئی۔ 13 اگست2025ء)ڈپٹی چیئرمین سینیٹ سیدال خان ناصر نے کہا ہے کہ سی پیک پورے پاکستان خاص طور پر بلوچستان کی خوشحالی کی کنجی ہے۔سیمینار سے خطاب میں سیدال خان ناصر نے کہا کہ سی پیک سے متعلق منفی تاثرات کو مسترد کرتے ہیں، نواز شریف اور راحیل شریف کی مشترکہ کوششوں سے سی پیک کا افتتاح کیا گیا۔

(جاری ہے)

انہوں نے کہاکہ سی پیک پورے پاکستان خصوصاً بلوچستان کی خوشحالی کی کنجی ہے، اس منصوبے سے زراعت، تعلیم، کاروبار اور تمام شعبوں میں فائدہ ہوگا۔ڈپٹی چیئرمین سینیٹ نے کہا کہ چین نے پاکستان کو سپورٹ کیا اور ہمارے ساتھ کھڑا رہا، پہلی بار ایسا ہے کہ پاکستان کے تمام اسٹیک ہولڈرز ایک پیج پر ہیں۔انہوںنے کہاکہ اگر کوئی بھی ایشوز ہیں تو ان پر بات کی جاسکتی ہے، پاکستان آئینی اور جمہوری نظریے سے ہی چل سکتا ہے۔سیدال خان ناصر نے کہا کہ پاکستان کے تمام سیکیورٹی، آئینی ادارے محفوظ بھی ہیں اور ایک پیج پر بھی ہیں۔