وزیراعظم محمد شہباز شریف کا اسلام آباد میں زیر تعمیر ٹیکنالوجی پارک کا دورہ ، تعمیر میں سست روی پر برہمی کا اظہار ،جلد مکمل کرنے کی ہدایت

جمعرات 14 اگست 2025 14:49

اسلام آباد (اُردو پوائنٹ اخبارتازہ ترین - اے پی پی۔ 14 اگست2025ء) وزیراعظم محمد شہباز شریف نے اسلام آباد میں زیر تعمیر ٹیکنالوجی پارک کی تعمیر میں سست روی پر برہمی کا اظہار کرتے ہوئے سے جلد مکمل کرنے کی ہدایت کی ہے۔جمعرات کو پی ایم آفس کے میڈیا ونگ سے جاری پریس ریلیز کے مطابق وزیر اعظم نے زیر تعمیر ٹیکنالوجی پارک کا دورہ کیا۔اس موقع پر وزیراعظم نے ٹیکنالوجی پارک کی تعمیر کی سست رفتار پربرہمی کا اظہار کرتے ہوئے آئی ٹی پارک کو جلد از جلد مکمل کرنے کی ہدایت کی۔

(جاری ہے)

انہوں نے کہا کہ اس منصوبے کو ابتدائی ہدایت کے مطابق بتائی گئی مدت میں مکمل کیا جائے۔ وزیراعظم نے کہا کہ منصوبے میں عالمی معیار کے مطابق سہولیات کی فراہمی کو یقینی بنایا جائے،تمام ذمہ داران اس منصوبے کی تکمیل کے لیے اپنی کوششیں تیز کریں۔اس موقع پر بریفنگ میں بتایا گیا کہ آئی ٹی پارک 2 زیر زمین ، گراؤنڈ اور 9 بالائی منزلوں پر مشتمل ہے، پارک میں دفاتر، انکیوبیشن سینٹر، بزنس سپورٹ سینٹر، تحقیق وترقی لیباٹریاں، لیول تھری ڈیٹا سینٹر، آڈیٹوریم اور 1,200 گاڑیوں کی پارکنگ شامل ہیں۔️ پارک کا مقصد نوجوانوں کے لیے نوکریاں و معاشی نمو کو بڑھانا، عالمی آئی ٹی مسابقت کو بڑھانا اور ڈیجیٹل تقسیم کو ختم کرنا ہے۔\932