)آزادی کی اصل قیمت جاننی ہے تو جموں و کشمیر ‘ہندوستان میں بسنے والے اورغزہ کے نہتے مسلمانوں سے پوچھئے‘حنیف عباسی

\ اسلام آباد(اُردو پوائنٹ اخبارتازہ ترین - آن لائن۔ 14 اگست2025ء)وفاقی وزیر ریلوے محمد حنیف عباسی نے کہا ہے کہ آزادی کی اصل قیمت جاننی ہے تو جموں و کشمیر ا ورہندوستان میں بسنے والے مسلمان بھائیوں اورغزہ کے نہتے مسلمانوں سے پوچھئے کہ آزادی کا خواب کتنی قربانی مانگتا ہے۔ آج بلوچ، سندھی، پنجابی، پختون، گلگتی اور کشمیری سب ایک جھنڈے تلے آزادی کی خوشبو میں سانس لے رہے ہیں۔

وفاقی وزیر ریلوے محمد حنیف عباسی نے 78ویں یومِ آزادی پر پوری قوم کے نام ولولہ انگیز پیغام میںکہا کہ پاکستان کی 78 بہاریں مکمل ظ پوری قوم کو آزادی کی عظیم نعمت مبارک! آج بلوچ، سندھی، پنجابی، پختون، گلگتی اور کشمیری ظ سب ایک جھنڈے تلے آزادی کی خوشبو میں سانس لے رہے ہیں۔ وزیر ریلوے نے کہاکہ آزادی کی اصل قیمت جاننی ہے تو جموں و کشمیر کے مظلوم مسلمانوں سے پوچھئے۔

(جاری ہے)

ہندوستان میں بسنے والے مسلمان بھائیوں سے پوچھیے کہ آزادی کی روشنی کتنی قیمتی ہے۔ غزہ کے نہتے مسلمانوں سے پوچھیے کہ آزادی کا خواب کتنی قربانی مانگتا ہے۔ وزیر ریلوے نے کہا کہ آج پاکستان معرکہ حق کے بعد آسمان پر چمکتے ستارے کی مانند دنیا میں روشن اور سربلند ہے۔ 78 برسِ آزادی ظ پاکستان آج دنیا میں ایک فاتح، باوقار اور ناقابلِ شکست قوم کے طور پر پہچانا جا رہا ہے۔

محمد حنیف عباسی نے کہا کہ ہمارے شہداء نے اپنے گرم لہو سے وطنِ عزیز کا دفاع کیا اور سرحدوں کو محفوظ بنایا۔ ہم نے ہر محاذ پر دشمن کے ناپاک عزائم خاک میں ملا دیے۔ آج ہم پاک فوج کے بہادر سپاہیوں اور شہداء کو سلامِ عقیدت پیش کرتے ہیں۔معرکہ حق کے بعد دنیا جان چکی ہے کہ پاکستان ایک جری اور عظیم قوم ہے۔ آئیے، مل کر پاکستان کو ترقی اور خوشحالی کی سنہری راہوں پر لے چلیں۔ پاکستان کی تعمیر و ترقی میں ہر فرد کو اپنا کردار ادا کرنا ہوگا۔ہم سب سے پہلے پاکستانی ہیں ظ یہی نعرہ ہر دل میں گونجنا چاہیے۔دشمن کو بتا دو ظ ہم ایک ہیں، اور ایک رہیں گی!آئیں، آزادی کے دن قومی پرچم تھام کر وطن کو دشمن کی میلی آنکھ سے محفوظ رکھیں۔پاکستان زندہ باد! پاکستان پائندہ باد!