قائد اعظم اور رفقائکار کی جمہوری جدوجہد سے پاکستان دنیا کے نقشے پر ظہور پزیر ہوا، نیئر حسین بخاری

ؑ سیکرٹری جنرلن پیپلز پارٹی پارلیمنٹینز نیر حسین بخاری کی یوم آزادی پر قوم کو مبارکباد

جمعرات 14 اگست 2025 18:05

اسلام آباد(اُردو پوائنٹ اخبارتازہ ترین - آن لائن۔ 14 اگست2025ء) سیکرٹری جنرلن پیپلز پارٹی پارلیمنٹینز نیر حسین بخاری نے یوم آزادی پر قوم کو مبارکباد دیتے ہوئے کہا ہے کہ قائد اعظم اور رفقائکار کی جمہوری جدوجہد سے پاکستان دنیا کے نقشے پر ظہور پزیر ہوا،قائد اعظم کی دستور ساز اسمبلی میں برداشت اور عدم تشدد سء متعلق تقریر آج بھی مشعل راہ ہے،قائداعظم نے پارلیمنٹ کو جمہور کے نمائندگان کا مرکز و محور بنایا۔

ایک بیان میں نیئر حسین بخاری نے کہا کہ پیپلز پارٹی پارلیمنٹ کو عزت دو کے مشن پر کاربند رہے گی‘آئین کی بالادستی، پارلیمنٹ کی توقیر اور جمہوریت کی مضبوطی ہمارا مشن رہے گا، قائد اعظم کے جمہوری فلاحی پاکستان میں پارلیمانی نظام کا مضبوط ہونا لازم ہے، پیپلز پارٹی آئین کی بالادستی اور جمہوریت کے لئے نظام کا تسلسل قائم رکھنے کیلئے کردار ادا کر رہی ہے،زبردستی نظریات مسلط کرنے والوں کی راہ روکنا ہی قائد اعظم کے مشن کی تکمیل ہے۔

(جاری ہے)

سیکرٹری جنرل پیپلز پارٹی نے کہا کہ قائد اعظم نے اظہار رائے کی آزادی سلب کرنے کو زہر قاتل قرار دیا تھا،آج آئین کی بالادستی اور پارلیمنٹ کی توقیر یقینی بنانے کی تجدید عہد کا دن ہے، چیرمین بلاول بھٹو زرداری کی قیادت میں قائد اعظم کے پاکستان کو حقیقی، جمہوری اور ترقی پسند ملک بنانے کے لئے پر عزم ہیں، آپریشن بنیان مرصوص کی کامیابی نے جشن آزادی کا مزہ دوبالا کردیا ہے۔ نیئر حسین بخاری نے کہا کہ آپریشن بنیان مرصوص نے قوم کو سبز ہلالی پرچم تلے یکجا کردیا ہے، پاک فوج کے جوانوں کے عزم و حوصلے نے بھارت کا غرور خاک میں ملا دیا،یوم آزادی کے موقع پر مادر وطن کے لئے مسلح افواج کی قربانیوں کو خراج تحسین پیش کرتے ہیں۔