u دشمن کو بتا دو کہ ہم ایک ہیں اور ایک رہیں گی:-حنیف عباسی

آج بلوچ، سندھی، پنجابی، پختون، گلگتی اور کشمیری سب ایک جھنڈے تلے آزادی کی خوشبو میں سانس لے رہے ہیں ؒ پاکستان کی 78 بہاریں مکمل ہونے پر پوری قوم کو آزادی کی عظیم نعمت مبارک ہو،وفاقی وزیر ریلوے کا یومِ آزادی پر پیغام

جمعرات 14 اگست 2025 18:10

لاہور(اُردو پوائنٹ اخبارتازہ ترین - آن لائن۔ 14 اگست2025ء)وفاقی وزیر ریلوے محمد حنیف عباسی نے 78ویں یومِ آزادی کے موقع پر پوری قوم کے نام ولولہ انگیز پیغام جاری کیا، جس میں انہوں نے کہا کہ پاکستان کی 78 بہاریں مکمل ہونے پر پوری قوم کو آزادی کی عظیم نعمت مبارک ہو۔ انہوں نے کہا کہ آج بلوچ، سندھی، پنجابی، پختون، گلگتی اور کشمیری سب ایک جھنڈے تلے آزادی کی خوشبو میں سانس لے رہے ہیں۔

وفاقی وزیر نے کہا کہ آزادی کی اصل قیمت جاننی ہو تو جموں و کشمیر کے مظلوم مسلمانوں، ہندوستان میں بسنے والے مسلمانوں اور غزہ کے نہتے عوام سے پوچھیے، جن کے لیے آزادی کا خواب قربانیوں سے جڑا ہے۔ انہوں نے کہا کہ معرکہ? حق کے بعد پاکستان آسمان پر چمکتے ستارے کی طرح دنیا میں روشن اور سربلند ہے۔

(جاری ہے)

محمد حنیف عباسی نے کہا کہ 78 برسِ آزادی میں پاکستان دنیا میں ایک فاتح، باوقار اور ناقابلِ شکست قوم کے طور پر پہچانا جا رہا ہے۔

ہمارے شہداء نے اپنے خون سے وطن کا دفاع کیا اور سرحدوں کو محفوظ بنایا، ہم نے ہر محاذ پر دشمن کے ناپاک عزائم خاک میں ملا دیے۔انہوں نے کہا کہ آج ہم پاک فوج کے بہادر سپاہیوں اور شہداء کو سلامِ عقیدت پیش کرتے ہیں۔ دشمن کو بتا دو کہ ہم ایک ہیں اور ایک رہیں گے۔ وزیر ریلوے نے قوم سے اپیل کی کہ قومی پرچم تھام کر پاکستان کو ترقی و خوشحالی کی سنہری راہوں پر لے جائیں، اور ہر فرد وطن کی تعمیر میں اپنا کردار ادا کرے۔

Facebook Twitter Google + Share on Whatsapp

u دشمن کو بتا دو کہ ہم ایک ہیں اور ایک رہیں گی:-حنیف عباسی

متعلقہ عنوان :

مزید قومی خبریں