قومی کرکٹ ٹیم کے انتخابی کمیٹی نے آئندہ سہ فریقی ٹی ٹونٹی سیریز اور ایشیا کپ کے لیے پاکستان کے 17 رکنی سکواڈ کا اعلان کر دیا

اتوار 17 اگست 2025 13:20

لاہور (اُردو پوائنٹ اخبارتازہ ترین - اے پی پی۔ 17 اگست2025ء) سہ فریقی سیریز 29 اگست سے 7 ستمبر تک شارجہ کرکٹ سٹیڈیم میں کھیلی جائے گی جس میں افغانستان، پاکستان اور میزبان متحدہ عرب امارات کی ٹیمیں شامل ہوں گی۔آٹھ ٹیموں پر مشتمل ایشین کرکٹ کونسل کا ایشیا کپ ٹی ٹونٹی ٹورنامنٹ 9 سے 28 ستمبر تک ابوظہبی اور دبئی میں ہوگا۔

(جاری ہے)

اس ٹورنامنٹ میں پاکستان کو گروپ اے میں بھارت، عمان اور متحدہ عرب امارات کے ساتھ رکھا گیا ہے۔

پی سی بی کی جانب سے اعلان کردہ 17 رکنی اسکواڈ میں سلمان علی آغا کو کپتان مقرر کیا گیا ہے جبکہ دیگر کھلاڑیوں میں ابرار احمد، فہیم اشرف، فخر زمان، حارث رف، حسن علی، حسن نواز، حسین طلعت، خوشدل شاہ، محمد حارث وکٹ کیپر، محمد نواز، محمد وسیم جونیئر، صاحبزادہ فرحان، صائم ایوب، سلمان مرزا، شاہین شاہ آفریدی اور صفیان مقیم شامل ہیں۔\932