Live Updates

ظ*ری پبلک پالیسی کے سروے کے مطابق عمران سب سے مقبول لیڈر ہیں‘ مسرت جمشید چیمہ

اتوار 17 اگست 2025 16:55

،لاہور (اُردو پوائنٹ اخبارتازہ ترین - آن لائن۔ 17 اگست2025ء) پاکستان تحریک انصاف کی سینئر رہنما مسرت جمشید چیمہ نے کہا ہے کہ لاہور شہر جس کو (ن)لیگ کا قلعہ سمجھا جاتا ہے ری پبلک پالیسی کے سروے کے مطابق وہاں بھی سب سے مقبول لیڈر عمران خان ہی ہیں،(ن)لیگ 2024 کے الیکشن میں 17 سیٹیں جیتنے میں کامیاب ہوئی تھی اوراگلے الیکشن میں ایک بھی سیٹ نہیں جیت پائے گی ۔

اپنے بیان میں مسرت جمشید چیمہ نے کہا کہ موجودہ حکمرانوں کو کس فارمولے کے تحت مسلط کیا گیا ساری دنیا اس سے آگاہ ہے ، ان شااللہ آئندہ جب بھی انتخابات ہوں گے پی ٹی آئی کلین سویپ کرے گی ۔ انہوں نے کہا کہ ہر طرح کے جبر اور ظلم کا سامنا کرنے کے باوجود عمران خان کسی سے سیاسی انتقام نہیں لیں گے ،عمران خان ہمیشہ آئین و قانون کی حکمرانی اور ملک و قوم کی خوشحالی کی بات کرتے ہیں اور ان کی لازوال جدوجہد اسی کا تسلسل ہے ۔

(جاری ہے)

قائداعظم نے اپنی قیادت اور قربانیوں سے پاکستان کو آزادی دلائی ،آج عمران خان اسی قوم کی حقیقی آزادی اور خودداری کی جدوجہد کر رہے ہیں، ان شااللہ عمران خان اس مقصد میں ضرور کامیاب ہوں گے اور اس قوم کو حقیقی آزادی دلا کر رہیں گے۔ انہوںنے کہا کہ مسلط کئے گئے حکمران بھی جان چکے ہیں کہ جیل کی سلاخوں کے پیچھے رکھنے کے باوجود عمران خان کی مقبولیت میں کوئی کمی نہیں آئی بلکہ پی ٹی آئی اور عمران خان کی مقبولیت کا گراف اوپر گیا ہے۔