مقبوضہ جموںوکشمیر : مختلف حادثات میں خاتون سمیت تین افراد کی جانیں ضائع،چار زخمی

ہفتہ 23 اگست 2025 17:20

جموں(اُردو پوائنٹ اخبارتازہ ترین - این این آئی۔ 23 اگست2025ء)بھارت کے غیر قانونی زیر قبضہ جموںوکشمیر میں ریاسی ، کٹھوعہ اور ادھمپور اضلاع میں مختلف حادثات میں ایک خاتون سمیت 3 افرادکی جانیں ضائع جبکہ چار زخمی ہو گئے ۔کشمیر میڈیا سروس کے مطابق ریاسی کے علاقے مہور میں ملائی نالے کے قریب ایک ٹرک لینڈ سلائینڈنگ کی زد میں آنے کی وجہ سے شہباز احمد نامی شخص کی جان چلی گئی جبکہ دو افراد جاوید احمد اور عبدالغنی زخمی ہو گئے ۔

(جاری ہے)

زخمی افراد کو ہسپتال منتقل کردیا گیا ہے۔ضلع کٹھوعہ میں ڈریم لینڈ پارک کے قریب ایک کار بہتی ہوئی ندی کو عبورکرتے ہوئے سیلاب میں پھنس گئی جس کے نتیجے روی نامی شخص جان سے ہاتھ دھو بیٹھا۔دریں اثنا ضلع ادھمپور میں ایک گاڑی کو حادثہ پیش آنے کے نتیجے میں شفیقہ بیگم نامی خاتوں جان بحق جبکہ عبدالکبیر زرگر اور محمد آصف نامی دو اشخاص زخمی ہوگئے۔پولیس نے حادثات کا نوٹس لیتے ہوئے مزید کارروائی شروع کر دی ہیں۔