معاشی اصلاحات سے ملکی معیشت بہتری کی جانب گامزن ہے.اورنگزیب رمدے

معیشت کو وقت کے تقاضوں کے مطابق ڈھالنا ہوگا، کرپٹو مائننگ بھی زیرغور ہے، تاجروں اورسرمایہ کاروں کو سہولتوں کی فراہمی پہلی ترجیح ہے.وفاقی وزیرخزانہ کا تقریب سے خطاب

میاں محمد ندیم ہفتہ 23 اگست 2025 15:16

معاشی اصلاحات سے ملکی معیشت بہتری کی جانب گامزن ہے.اورنگزیب رمدے

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔23 اگست ۔2025 )وفاقی وزیر خزانہ سینیٹر محمد اورنگزیب رمدے نے کہا ہے کہ معاشی اصلاحات سے ملکی معیشت بہتری کی جانب گامزن ہے،معیشت کو وقت کے تقاضوں کے مطابق ڈھالنا ہوگا، کرپٹو مائننگ بھی زیرغور ہے، تاجروں اورسرمایہ کاروں کو سہولتوں کی فراہمی پہلی ترجیح ہے ان خیالات کااظہارانہوں نے اسلام آباد میں ایک تقریب سے خطاب کرتے ہوئے کیا .

(جاری ہے)

وزیر خزانہ نے کہا ہے کہ ملک کی آبادی کا 10 سے 15 فیصد طبقہ پہلے ہی ڈیجیٹل کاروبار سے مستفید ہو رہا ہے اور مستقبل میں ڈیجیٹل اثاثوں کی طرف رجحان مزید بڑھے گا وزیر خزانہ نے اس بات پر زور دیا کہ تاجروں اور سرمایہ کاروں کو سہولت فراہم کرنا حکومت کی اولین ترجیح ہے، سرمایہ کاری کو آسان بنانے کے لیے حکومت تمام تر کوششیں کر رہی ہے. انہوں نے کہا ہے کہ معاشی اصلاحات کا عمل جاری ہے، ملکی معیشت بہتری کی جانب بڑھ رہی ہے اور وقت کے تقاضوں کے مطابق معاشی ترجیحات کو ڈھالنے کی ضرورت ہے محمد اورنگزیب کا کہنا تھا کہ ڈیجیٹل سرمایہ کاری سستی، برق رفتار اور شفاف ہے اس لیے اس شعبے میں شفافیت کو یقینی بنانا اور ریگولیشنز کو مزید بہتر بنانا ناگزیر ہے.

انہوں نے کہا کہ ملک میں معاشی اصلاحات کا عمل جاری ہے، 10 سے 15 فیصد لوگ ڈیجیٹل کاروبار سے منسلک ہیں، مستقبل میں ڈیجیٹل اثاثوں کا رجحان بڑھے گا، ڈیجیٹل سرمایہ کاری کیلئے ریگولیشنز کو بہتر بنانا ہوگا، وقت کے تقاضوں کے مطابق معیشت کو ڈھالنا ہوگا، کرپٹو مائننگ بھی حکومت کے زیر غور ہے کرپٹو مائننگ کے حوالے سے کرپٹو کونسل تشکیل دی گئی. انہوں نے اعتراف کیا کہ دنیا کے دیگر ممالک کی نسبت پاکستان کا بینکنگ نظام پیچیدہ ہے جسے جدید تقاضوں کے مطابق آسان اور موثر بنانے کی ضرورت ہے اورنگزیب رمدے نے کہا کہ ملک کی لائف لائن زرمبادلہ ہے زراعت، آئی ٹی، فری لانسر کی بات ہوئی ہے، اس وقت ملک میں سرپلس انرجی ہے.