Live Updates

ظ*جو آپ نے کیا ہمارے پاس الفاظ نہیں‘، سکھ رہنما کا فیلڈ مارشل کو خراج تحسین

-دنیا بھر کے سکھ آکر کہتے ہیں کہ پاکستان اقلیتوں کیلئے محفوظ ترین ملک ہے، رمیش سنگھ

ہفتہ 30 اگست 2025 18:25

uلاہور (اُردو پوائنٹ اخبارتازہ ترین - آن لائن۔ 30 اگست2025ء) سکھ کمیونٹی نے سیلاب متاثرہ دربار صاحب کرتار پور میں بروقت امدادی کارروائیوں پر آرمی چیف فیلڈ مارشل عاصم منیر کو خراج تحسین پیش کیا۔فیلڈ مارشل عاصم منیر نے پنجاب کے سیلاب متاثرہ علاقوں کا دورہ کیا جہاں انہوں نے سیالکوٹ ، شکر گڑھ، نارووال اور کرتار پورکا بھی دورہ کیا جب کہ اس موقع پر خطاب میں فیلڈ مارشل نے سکھ کمیونٹی کی تمام عبادت گاہوں کی جلد مکمل بحالی کی یقین دہانی کروائی۔

سکھ کمیونٹی نے سیلاب متاثرہ دربار صاحب کرتار پور میں بروقت امدادی کارروائیوں پرفیلڈ مارشل کو خراج تحسین کیا۔ سکھ رہنما رمیش سنگھ اروڑہ نے کہا کہ بروقت امدادی کارروائیوں پرفیلڈ مارشل عاصم منیر کا تہہ دل سے شکریہ ادا کرتے ہیں، پاکستان ہماری دھرتی اور ہماری جان ہے ، پاک فوج کے جوان آخری شخص کی باحفاظت منتقلی تک کھڑے رہے۔

(جاری ہے)

انہوں نے کہا کہ فیلڈمارشل کے سکھ کمیونٹی کے ساتھ بیٹھنے سے دنیا کے سکھوں کا سر فخر سے بلند ہوگیا، سیلاب کے بعد 24گھنٹے میں جو آپ نے کیا اس کیلئے ہمارے پاس الفاظ نہیں ہیں، دنیاکو جب پتا چلے گاکہ فیلڈ مارشل نے خود کرتارپور کا دورہ کیا تو سکھوں کا مان مزید بڑھے گا۔

رمیش سنگھ کا کہنا تھا کہ دنیا بھر کے سکھ آکر کہتے ہیں کہ پاکستان اقلیتوں کیلئے محفوظ ترین ملک ہے۔