بھارتی اداکار پون سنگھ نے ساتھی اداکارہ انجلی راگھو کو نامناسب انداز میں چھونے پر معافی مانگ لی

پون سنگھ جی نے اپنی غلطی کی معافی مانگ لی ہے، وہ مجھ سے بڑے اور سینئر آرٹسٹ ہیں،اداکارہانجلی راگھو

پیر 1 ستمبر 2025 10:35

ممبئی (اُردو پوائنٹ اخبارتازہ ترین - این این آئی۔ 01 ستمبر2025ء)بھارت کی بھوجپوری فلم انڈسٹری کے گلوکار و اداکار پون سنگھ نے ساتھی اداکارہ انجلی راگھو کو بغیر اجازت اور نامناسب انداز میں چھونے پر ان سے معافی مانگ لی۔بھارتی میڈیا کے مطابق پون سنگھ کی سوشل میڈیا پر ایک ویڈیو وائرل ہوئی تھی جس میں اِنہیں اپنی ساتھی اداکارہ انجلی راگھو کو بغیر اجازت اور نامناسب انداز میں چھوتے دیکھا گیا تھا۔

(جاری ہے)

بھارتی میڈیا کے مطابق یہ واقعہ پون سنگھ کے نئے گانے سیاں سیوا کرے کی پروموشنل تقریب کے دوران پیش آیا تھا۔اب اس معاملے پر اداکار نے معافی مانگتے ہوئے کہا ہے کہ ارادہ غلط نہیں تھا۔بعدازاں اداکارہ نے اس بیان پر کہا کہ پون سنگھ جی نے اپنی غلطی کی معافی مانگ لی ہے، وہ مجھ سے بڑے اور سینئر آرٹسٹ ہیں۔انجلی راگھو کا کہنا ہے کہ میں نے انہیں معاف کردیا ہے، میں اس بات کو اور آگے بڑھانا نہیں چاہتی۔