وزیراعظم سے چینی وزیر برائے صنعت و انفارمیشن ٹیکنالوجی کی ملاقات

جمعرات 4 ستمبر 2025 22:55

بیجنگ (اُردو پوائنٹ اخبارتازہ ترین - آن لائن۔ 04 ستمبر2025ء)وزیر اعظم محمد شہباز شریف سے چین کے وزیر صنعت و انفارمیشن ٹیکنالوجی لی لیچینگ نے بیجنگ میں ملاقات کی۔ وزیراعظم نے چین کے ساتھ صنعت، زراعت، تجارت، انفارمیشن اینڈ کمیونیکیشن ٹیکنالوجی، کان کنی اور معدنیات میں دوطرفہ تعاون کو مزید گہرا کرنے کے پاکستان کے وژن کا اعادہ کیا۔

(جاری ہے)

انہوں نے چین-پاکستان اقتصادی راہداری کو پاکستان کی سماجی و اقتصادی ترقی کا مرکزی ستون قرار دیا اور اس کے فیز II میں اس کی مسلسل پیش رفت پر اطمینان کا اظہار کیا۔

وزیر اعظم کے اقتصادی اصلاحات کے ایجنڈے کو سراہتے ہوئے وزیر لی نے اس بات پر زور دیا کہ چین پاکستان کو ایک آہنی بھائی اور آل ویدر اسٹریٹجک کوآپریٹو پارٹنر سمجھتا ہے۔ انہوں نے پاکستان کے ساتھ دوطرفہ تعلقات کو تعاون اور اشتراک کی نئی بلندیوں تک پہنچانے کے لیے چین کے پختہ عزم کا اظہار کیا۔